Mizoram Pradesh Congress Committee (MPCC)

ZPM LEH MNF INBEIH A NGAI HI MPCC IN PAWI A TI

21/11/2018

MPCC/Media/PR-2018/61 Dated : Aizawl the 21st Nov., 2018

PRESS RELEASE

November 28, 2018 MLA inthlanpui kan hnaih tulh tulh a MNF leh ZPM chu BJP nena thawhho chungchangah nasa taka inpuhtawnin an inbei nasa sawt hle a. MNF in an pamphlet siamah Pu Lalduhoma thlalak leh BJP symbol an dah dun avangin ZPM chuan Aizawl Police Station-ah FIR an thehlut hial a ni. Hetiang thlenga ZPM leh MNF te inbeih a ngai ta hi MPCC chuan pawi a ti hle a. Inthlan zawhah ZPM leh MNF hruaitu thenkhatte hian inthlan laia an thubuai thehluh te hi an buaipui chhunzawm zel a ngaih phei chuan buaina an insiam tam hle dawn tihna a ni a. Chuvangin, Congress Party angin dik leh felfai taka politics khel ve ve turin ZPM leh MNF te kan beisei a ni.

MNF te hian an pamphlet-ah sakhaw hming ziak langin, sakhaw hrang hrang zuitute inkarah inngeihlohna tipunlun thei thil an chhuah a; hei hi Election Code of Conduct bawhchhiatna a ni a.MNF te pamphlet siam atanga langchiang tak chu inthlan a hnai tulh tulh a, MNF te beidawng hian hmanrua an duh chhe tulh tulh tih a hriat a. Hetianga dawt ngialngan hmanga mipuite chhiar tur an siam a, an sem darh hian MNF te beidawn tawh zia a tilang chiang hle a ni.

Aizawl Municipal Corporation-a MNF Sawrkar chuan ram nasa takin a leia Luangmual ah House Pass No. 739 of 210 Sq. Meter 1650, Sihphirah VC Pass No. 5/99 2000 Bigha 12, Ailawng ah VC Pass No. 5.04.2009 Sq. Meter 16059.48, Luangmual ah vek P.Patta No. 1166/1976 leh No. 1166/C/76 an lei a. Hei hi eng eng atana hman tur nge !? Mipui tan nge an lei a, an mahni MNF Party tan tih mipui hriatah puang turin MPCC chuan a phut a ni. AMC pawisa hi mipui atanga sum khawnkhawm a ni a, tullo taka hman tur a ni lova, chhiah petu mipuite hi a zah hle tur a ni. Bawngkawn pengthuam laia MNF sawrkar in ram a lei pawh mipui tan ni lovin an Party tan an lo lei tawh a, hetiang ang hi thleng nawn tawh lo se kan duh a, chutiang nilova Party mi induhsak nan a hmanga sum siam nan an lo hmang leh a nih chuan MPCC chuan a tul angin hma ala dawn a ni.

 

(ZOTHANTLUANGI)
MPCC, Media Department

Last modified: 21/11/2018

Comments are closed.

error: Vote for Congress!