Mizoram Pradesh Congress Committee (MPCC)

Press Statement

29/11/2018

Press Statement
‘Kohhran Zahawmna vawnghim turin Congress party in sawrkarna a siam leh a ngai’

(A) Kumin 2018 MLA inthlanpui kan hmachhawn meka Congress party in kan do ber chu BJP leh NEDA a a thawhpui MNF party a ni a; ZPM hi chu kan chhut niap niap a, kan chhutsak zo vek tawh a, an tlin theihna tur Bial kan zawng hmu zo lo a ni. MNF hi BJP in an ‘Vahte’ (Niece/Nephew) tia an koh a ni a (Source: JV Hluna facebook wall.. 27 October, 2018 @ 8:19 PM), chuvangin kumin MLA inthlanpui hi tisa leh thlarau indona a ni ber tawh. Congress Party chuan ‘Kohhran Zahawmna venhim’ tlat a duh a. MNF President Pu Zoramthanga erawh chuan ‘Kohhran Zahawmna hi BJP sawrkar vangin a nghing lo, a chhiat phah lo’ tih Firstpost zawhna a chhang a, hei hi Congress Party chuan kan ngai thutak hle a, hetianga Mizoram Chief Minister meuh nih tumin ‘BJP an sawrkar vangin Kohhran Zahawmnain a chhiat phah lo’ a ti hi Mizoramah sawrkarna siam tlak an nih loh zia lantirnaah kan ngai a ni. (Source: https://www.firstpost.com/politics/bjp-quest-to-bloom-lotus-in-mizoram-assembly-faces-great-wall-of-mizo-national-front-in-elections-5597161.html Retrieved on 23.11.2018). Congress Party in uar taka kan sawi duh chu MNF a sawrkar chuan Kohhran rawngbawltu te’n pulpit tlang atangin Hindutwa Movement leh BJP sawrkar hnuaia ‘Krismas ni te Good Governance Day’ a min puansak te, kan ‘Good Friday te Digital Day’ a min puansak te hi an sawi ngam tawh dawn lo va; chuvangin, Kohhran Zahawmna venhim a nih theih nan Congress Party in sawrkarna a siam leh ngei angai a ni.

Congress party a sawrkar chhungin remna leh muanna awmin ramchhunga a ralmuang a, sumdawnna nasa takin a thang a bawk a, Central atanga kan sum hmuh ang ang te tha taka kan hman avangin Mizoram chu congress sawrkar chhungin Niti Aayog ngeiin India ram state hmasawn chak pali a thlan chhuah zingah kan tel a.Tin, India Today in Nov.21, 2018 khan Mizoram chu Inclusive Development leh Environment-ah India ram state te (small) zinga ‘Ti Tha Ber (Best Performing State)’ leh Economy leh Entrepreneurship-ah ‘Hmasawn Chak Ber (Most Improved State)’ ah min thlang hial a ni.

Kum 2008 atanga 2018 chhung hian Congress sawrkar Minister zingah eiruk thubuai nei pakhatmah an awm lo va, a awm thei tur awm deuh chu Pathianin min thuah fai sak a, heng mite hian Congress party chhuahsanin an President ber pawh eiruk thubuai nei awmna MNF Party an zawm a. Eiruk thubuai nei tumah awm lo va Congress Party in kumin 2018 MLA Inthlanpui hi kan hmachhawn avangin kan party mipui an phur em em a, chuvangin kan sawrkar leh ngei pawh a rinawm a ni.

(B) Pu Robert Romawia Royte in NECS a enkawl lai leh Pu Lalzirliana’n Home Ministera nih laia Infrastructure Development of Minority Institute (IDMI) scheme hnuaia Grant-in-aid a dil chhuahah hian thil diklo tam tak a inphum ru a ni tih mipui te kan hriattir tawh a, hemi chungchang hi kan enzui zel a, thil thar pawh kan hriat belh zel bawk a. Mipui hriata NECS thiltih dan kan puanzar hnu lawkah ni 20.11.2018 khan heng sikul tanpuina dawngtu inti mi 2 hmingin Press Release siam a ni a. Heng mite pawh hi hnawhsarum taka tuin emaw pawl hming phuahchawpa a din tir, a duh dan anga insawifiahna a duansa puanchhuahna hmanrua mai a nih a rinawm hle. Chiang leh zualin thil diklo inphum nia kan hriat te hi kan han tarlan belh dawn a ni.

1. IDMI scheme hnuaia tanpuina dawng tur hian state/central recognized sikul, kum 3 tal lo ding tawh an nih a ngai a, chu chu State Level Grant-in-Aid Committee-in a recommend tur a ni. NECS te hian sikul hming hrang hrang an hman te hi he Committee recommend nei an ni lo. A chhan chu School Education Deptt hian NECS in IDMI dawng tura MHRD-ah dilna an thehluh hi an hriatpui lo.

2. Mizoram Transaction of Business Rules, 2014 anga Home Dept hi mawhphurtu nia an sawi pawh hi 15 Schedule Entry 18 Section XII tlawhchhana siam nia sawi a ni a, “all matters relating to funding of minority communities except those specifically allotted to other departments” tih a ni. School Education Department hriatpuina leh phungbawma sawmna hi Home deptt-ah a pekna hmuh tur awm silo Home Secretary-in hnathawk tura NECS a thlang ringawt pawh hi kha tih laia Home Minister R.Lalzirliana leh NECS neitu Robert Romawia Royte ten an nawr luih vanga ruat mai niin a lang a.Hei pawh hi dan palzutna a ni bawk.

3. IDMI scheme hi elementary / secondary /senior secondary school tan a siam a nih ang ngei hian 34 Schedule, Entry 1 leh 2 of Mizoram Transaction of Business Rules, 2014 ami ang hian kalpui tur a ni a, Home Dept khawih tur a ni lo hrim hrim.

4. He scheme hnuaia tanpuina sum dawng thei tur a No Objection Certificate pe chhuak thei tur awmchhun chu Pi Esther Lalruatkimi Commissioner & Secy (Education) to the Govt of Mizoram chiah a ni. He order hi 1st August, 2017-ah chhuah a ni chauh a. Dawt hmangin NECS te hian kalpui lo se he IDMI grant hi kum 2013 bawr vel hian an dawng thei lo hrim hrim.

5. Aizawl Football Club, Dawrpui hi NECS ten a tak awm lo, sum siamna mai atan central a pawisa an dilna tarlangtu chiang tak a ni a, IDMI tanpuina dilna Form Part 1 Point No.-2 ah chuan ‘Name and address of the school /institution for which financial assistance is required’ tih chiang takin a in ziak a. Aizawl Football Club hian school recognition nei tawh leh kum 3 tal lo kalpui tawh lo ni ta sela Dawrpui-ah ngei awm bawk ta se, chumi atan chuan tanpuina hi dil nise Dawrpuiah ngei hian an sa tur a ni. N. Lunglengah sa anga insawifiah chawp ngai ta hi thil awihawm loh ber leh dawt phuahchawp hmanga tanpuina dil an nih zia tarlanna mai a ni.

6. Kum 2013-2014 chhunga sum an dilchhuah zingah Police Academy, Armed Veng tih a tel a, 1st installment Rs.9.89 lakh an dawng a ni. He school hian Central/State Recognition a nei lo a, engtinnge State Grant-in-Aid Committee ten tanpuina dawng turin Central-ah an recommend theih tehlul ang? NECS hian thlarau school hi an hmang thiam bik riau niin a lang a, Aizawl Football Club,Dawrpui hming a lo hmang tawh tih hriatchhuah a ni a,tuna Police Academy, Armed veng hi a tak awmlo a ni tih hriat belh a lo ni leh a. MAP school khu a kawk leh mai dawn a nih chuan FIR thehluh a ni ang.

7. Govt of India, Ministry of Human Resource Development Letter no. F. 8-41/2014-EE-19 dated Feb. 13th 2015 hi pawisa dawngtu school te account hi englai pawhin Sanctioning Authority leh Comptroller and Auditor General of India leh Principal Accounts Office te endik theih tura hriattirna a ni a;mahse, tanpuina dawngtu school zawng zawng te hian an Account an maintain lo va, NECS hian an dawn tur atanga processing fee an duh zat zat an cut sak hnuah an phal zat leh inbiakremna ang pawisa an pe mai zawk a nih chuan MHRD notification an bawhchhia tihna a ni a, 2nd instalment dawng thei an ni lo hrim hrim bawk ang.

8. Mizoram IDMI Assisted School Association Press Release chungchang a MPCC ngaihdan:
NECS ten IDMI atanga sum an dilchhuahah hian thil fello tam tak a awm tih mipuite hnenah ni 17.11.2018 khan kan lo puangchhuak tawh a. Ni 2 hnu lekah hetiang pawl a awm tih pawh mipuite’n kan hriat loh Mizoram IDMI Assisted School Association in thuchhuah an siam zui nghal a. An thuchhuahah chuan Point 7 awmin point tinah hian thudik karah thudik ziktluak lo a awm zel tih kan hre nghal a. An Press Release hi tuin emaw a draft sak leh tihchhuah sak leh mahni infakna thu ziah ni maiah MPCC chuan a ngai a. NE State dangte la haichhuah ve loh anga tarlan te hi thil nuihzat thlak lutuk a ni a; NE state dang zawng zawng in an dawng thin a ni tih Internet kaltlangin awlsam takin hmuh mai theih a ni a. Signature petute hian an hminga Press Release tihchhuah hi an hriatpui pawh a rinawm loh zawk hle.

‘ZPM hi chu kan chhut niap niap a, kan chhut sak zo vek tawh a, an tlin theihna tur Bial kan zawng hmu zo lo a ni’ kan tih ang khan ZPM hian Politics tuinu pawh an hmang nasa hle, an pawl hi Kohhran ho aiawh leh Kohhran in political party dang aia thlawp bik riau ang a inlan tirin, Politics ngaihven ve tak tak lo leh dai thuk ve lo Kohhran rawngbawltu, a bik takin Kohhran Upa te bulah party dang candidate te aia fel tur leh la enchhin ve ngai loh angin lem an chang a. Hei baka politics tuinu a mi bual at tumna hi a awm chuang awm lo ve. ZPM te hi an Super Chief Ministerial candidate tiamin, a thunei chin tur te chu Mizoram veteran politician, Mizo mipuiin Assemby House-ah kan lo enchhin tawh te vek an ni hlawm; chuvangin, ZPM te hi politics a mithar ni loin, an awmna party a beidawng, mahni party hming a tling zo dawn lova inhriat avanga inzawm khawm mai an ni tih hi hrethar leh ila a duhawm hle.

Issued by Mizoram Pradesh Congress Committee Media Department Dt. 24.11.2018

Last modified: 29/11/2018

Comments are closed.

error: Vote for Congress!