Mizoram Pradesh Congress Committee (MPCC)

Press Statement

29/11/2018

Press Statement
A. Lawmthu sawina

Vawiin 26.11.2018 hi inthlan Campaign hun tawp ni a ni ta a, mahni Party leh Bial theih tana kan thawhrim rah lah chu Dec. 11.2018 ah chauh kan hrethei dawn si a, a khawhar thlak leh vung vung hle dawn a ni.

Engpawhnise, Campaign laiin thu leh hla leh tawngkamin pawl tinte kan inbei a, chungte chu chanchinbu leh TV hmangtein nasa takin kan hmu thin a. Khangte kha mimal inhuatnan hmanglo turin MPCC chuan pawl tinte a ngen a, Campaign laia kan thu leh hla te min puanzar saktu chanchinbu mite leh TV enkawltute chungah MPCC chuan lawmthu a sawi bawk a ni. Mipui ten an duhthlanna hmanga Vote an thlaknaa a tling apiangte lawm taka pawm theuh turin MPCC chuan mi zawng zawng a ngen nghal bawk a ni.

Vawiin November ni 26, 2018 tlai dar 3:30 hian Congress party chuan Mizoram hmun hrang hranga Campaign Office-ah ‘Campaign Kharna Inkhawm’ urhsun takin a buatsaih a. Hmun hrang hranga Kohhran hruaitu te’n Bible chhiarna leh tawngtaina hun an hmang a, tawngtai rualna hmangin Campaign kharna Inkhawm hi tihtawp a ni bawk.

Congress party chuan kum 10 a sawrkar chhungin Mizoram tan nasa takin hmasawnna a thlen a. Sumdawnna nasa takin a thang bawk a. Minister zingah eiruk thubuai nei tumah an awm lo va, Pathianin kan party min thuahfai a. Hetiang hi kan dinhmun a nih avangin Congress mipui te’n phur takin inthlan an hmachhawn a, Bial hrang hrangah kan mi leh sate an phur em em reng a; hengte vang hian Congress party hi a term thumna atan a sawrkar leh ngei dawn a ni.

B. MNF TEN AMC AN PAWNGSUAL, SAWRKAR TIR NGAM CHI AN NI TAWH LO

AMC Contract hna lian reng rengah 10% aia tam an la zel

1. Tender lohva hna tam thei ang ber insem theihnan AMC a MNF kaihhruai Sawrkar a din tirh, Board of Councillor meeting hmasaberah ‘Hna reng reng nuai 25 aia tam lo chu tender loh nise’ tih passed a ni a. Hei hi Financial Rules kalh tlat a ni. Hemi ang hian hna reng reng cheng nuai 25 aia tlem chu Tender lohin AMC MNF Councillor-ten an mi duhsak zawng Party worker hnenah hna an pe a, kum 3 kal ta chhung khan hna chi hrang hrang sangli chuang Tender loh na sem ral a ni.

2. UT building, Tuikual South-ah Mizoram Sawrkarin mipuiten an hman tangkai theihnan duhsak takin, Market-cum-Parking atan building sak a phalsak a. Estimate Rs. 494.12 lakhs niin, Contractor-in hna a thawh hma hauhin 10% @Rs. 50 lakhs pek hmasak AMC a MNF Councillor-ten an phut a ni. Hei vang hian Contractor hminga advance dil tirin, pawisa hi inthlan dawn tepah MNF Councillor-ten Contractor hriat lohin Office atangin cheng nuai sawmnga (Rs. 50 lakhs) an la chhuak a. Hei hi MNF General Headquarters tihtir a nih hmel. Advance hi MNF AMC Councillor-ten an lak khalh avangin tun thlengin hna pawh a thuanawp phah a ni. Pawisa hi MNF AMC Councillor-in a la chhuak a ni tih RTI atanga finfiah ngei a ni. Receipt-ah MNF AMC Councillor-in ama Signature ngeiin a received a, a copy pawh hmuh theih a ni.

Mipui hnen atanga chhiahkhawn tlingkhawm leh Sawrkarin a pekkhawm hmanga party mal leh mimal hamthatna tur atana AMC sum MNF ten an pawngsual hi a pawi tak zet a ni. Chuvangin MNF te hi AMC leh ram pumah Sawrkar tir ngam chi-ah kan ngai tawh lo a ni.

____________________________________________________________________________
Issued by Mizoram Pradesh Congress Committee Media Department Dt. 26.11.2018

Last modified: 29/11/2018

Comments are closed.

error: Vote for Congress!