Mizoram Pradesh Congress Committee (MPCC)

Press Release

29/11/2018

MPCC/Media/PR-2018/63 Dated : Aizawl the 27th Nov., 2018

PRESS RELEASE

Nimin piah tlai khan Chalfilh constituency chhungah Manipur hel Zomi Revolutionary Organisation (ZRO) leh Zomi Revolutionary Army (ZRA) te chu MNF tan an campaign avangin Police-ten an man.

ZRO mi tirh Paukhanlal (Lalpi) chu nimin piah tlai dar 6:00 vel khan NE Tlangnuamah lutin, V/C, All NGO leh Political party hruaitute kokhawmin tun MLA thlannaah MNF candidate Lalrinliana Sailo vote vek turin a hrilh a. Sialkal Range Decelopment Council chu full autonomy neia siam turin MNF President Pu Zoramthanga nen ZRO chuan inremna (agreement) an siam thu Paukhanlal chuan a sawi a ni. Paukhanlal chuan nimin piah zan vek khan NE Tlangnuam a chhuahsan a ni.

He thu hriain Chalfilh constituency-a INC candidate Pu L.T. Hrangchal chuan Returning Officer, 8 Chalfilh (ST) Assembly Constituency-ah a report a, hetianga Manipur hel hminga MNF candidate tana campaign chuan mipui zingah hlauhna a siam thei a, inthlanna dik leh zalen awmna turin boruak tha lo a siam thei a ni tiin a tul dan anga action la nghal turin a ngen a ni. Pu L.T.Hrangchal chuan Police-te pawh a hriattir nghal a.

Kan lo hriat danin Paukhanlal chu NE Khawdungseiah Police-in an man a, Champhai Police Station-ah kawl mek a ni.

Hetih lai hian Lengteng Assembly constituency chhung Mimbung khua Thangchungnunga, MNF leh a thiante chu Chiahpui khuaah Manipur hel pawl Zomi Revolutionary Army (ZRA) lem an chang a, Police-ten an motor hman nen an man a, an motor hman chu Nissan car Datsun thar MZ 01Q 9530 a ni. Thangchungnunga leh a thiante chu Ngopa Thanaah zanriahpui an ni a, Saitual Police Station panpui an ni..

(LALHRUAITLUANGA KAWLNI)
MPCC, Media Department

Last modified: 29/11/2018

Comments are closed.

error: Vote for Congress!