Mizoram Pradesh Congress Committee (MPCC)

INTHLAN RESULT PUAN HNU AH BJP IN SUM HMANGIN KRISTIAN RAM THIAH AN TUM RIN A NI

03/12/2018

MPCC/Media/PR-2018/66 Dated:Aizawl 1st Dec.2018

PRESS RELEASE

INTHLAN RESULT PUAN HNU AH BJP IN SUM HMANGIN KRISTIAN RAM THIAH AN TUM RIN A N

MPCC chuan Mizoramah buaina leh harsatna awm lova Inthlanpui kan nei thei hi lawmawm a ti hle a.

Chutih rualin BJP te hian cheng vaibelchhe tamtak sengin India hmarchhak state dang inthlan a an inrawlh leh MLA nei manglo chunga sawrkarna siamtu annih theihna ralthuam, pawimawh pawisa hmang bawkin India rama kristian state a chhal ngam awm chhun Mizoram hi min rawn thlem leh dawn ani tih Mizo mipui ten lo hre lawk se a duh a ni.

He thil hi Congress party inthlanah a tlak rin vang leh chet that tawk rin loh vanga puanzar a ni lo a, ni 26 October 2018 ah daih tawh khan Congress Bhavan ah Chief Minister Pu Lal Thanhawla MPCC President hian lo sawi chhuak tawhin, chu mi chungchang chu *MPCC Media Press releasse 51-na 26th Oct.2018* ah tih chuah alo ni tawh nghe nghe anih kha. Kha mi tum khan Pu Hawla khan, “Meghalaya inthlan ang mai khan tun tum Mizoram inthlanah pawh BJP te hian inthlan zawhah MLA lei an tum dawn a, CRP ah nge Assam Rifles hmunah nge kan hrechiah lo na in vaibelchhe tamtak BJP te hian Zoram chhungah inthlan zawh bazarna tur pawisa hi an dahtha niin kan hria” tiin a lo sawi nghe nghe a ni kha.

He thu hi a dik zia nemnghet turin phai lam atangin thu rinawm tak MPCC chuan adawng zui a. Inthlan hma ni, ni 27 Nov 2018 khan ECI ah MPCC General Secretary Pu RL Valla ex-Minister hmingin heng BJP Pawisa ni thei tur awm ang phur lirthei sipai motor thlengin Mizoram lo lut turte chu ramri depah uluk tak a enfiah tur a ngenna thehluh a ni tawh nghe nghe.

Hetiang hi thilawm dan anih avangin MPCC chuan Mizo mipui zawng zawngte kan sakhuana leh rinna ti derthawnga Hindu lalram dintumtu BJP ten Mizoram sawrkarna ah kut an rawlh loh nan duh tak a kan thlan, kan MLA thar turte rinawmna nen Mizoram tan an din zel theih nan tun atang hian rilru fimtak pu chungin venpui hna i lo thawk ang u tiin kan in ngen a ni.

(LALHRUAITLUANGA KAWLNI)
MPCC MEDIA DEPARTMENT

Last modified: 03/12/2018

Comments are closed.

error: Vote for Congress!