Mizoram Pradesh Congress Committee (MPCC)

New Land Use Policy

NLUP HLAWHTLINNA

 

NLUP țan kum 2010-11 khan thingtlang loneihna hmun zau zawng chu hectare 28,562 a ni a, NLUP kum 5 kalpui hnu kum 2015-16 ah chuan hectare 19,851 ah a tla thla tawh a, a tlakthlak na hi 30.50% a ni.

 

Satelite ațanga ramngaw(Forest Cover Area) tam lam a zirna ațangin The India State of Forest Report 2015 in a tarlan danin Mizoram chu a ram zau zawng ațanga chhutin ramngaw(Forest Cover Area) tam berna a ni, Mizoram leilung 88.93% chu ramngaw a ni. He Report tlangzarh tu hi Union Environment Minister Prakash Javedakar-a a ni.

 

NLUP țan hun kum 2010-11 khan Mizoram mitin kum khat sum lakluh chawhrual (per capita income) chu cheng 50956 a ni a, NLUP kum nga(5) kalpui hnu 2015-16 chuan cheng 95,317 ah a pungchho tawh a, Mizorama cheng mi pakhat zel sum lakluh chawhrual (per capita income) punna hi 87.05% a ni. Hriat theih chinah a vawikhatnan Mizoram Per Capita Income hi All India Per Capita Income (₹ 93 231) aiin a sang zawk a ni.

 

Source: Economic Survey of Mizoram 2014-15 & 2016-17, The India State of Forest Report, 2015

Mizoram-ah hian mipui kan lo pung ve tual tual a, kan eizawnna, kan thlawhhma lak dan hi tuan leh mang atang tawh a kan tihdan – Tlangram loneih, kum tin a insawn chi (Shifting Cultivation) a la nih si avangin kan ram te hi a bua tulh tulh a. Kan loneih dan phung pangngai ringawt chuan Buh leh Bal kham khawp kan hai chhuak zo ta lova, chubakah nitin khawsakna atan kan mamawh thildangah pawh kan intodelh si loh avangin, kan ram hruaitu te lu pawh a hai ta hle a ni. Chuvang chuan a chak thei ang bera hma kan sawn a, intodelh thuai theih nan, kan ram hruaitute chuan he New Land Use Policy (NLUP) hi an zam chhuak ta a ni. He Policy hian a tum ber chu kut nghahna tlak loh Temporary taka thlawhhma (Shifting Cultivation) neih leh eizawnna ngelnghet nei lova, kumtin indap chawp hi tihtawp a, eizawnna bulfuk tak, lonei mite tana siam sak a, hmasawnna lama than chhoh tir zel hi a ni.

Chumi atan chuan leilet a remchang apiang leilet (WRC) a siam te, van ruahtuite emaw, tui lak remchang emaw ringa Terrace Cultivation siamte, mitin an tuina zawng leh an duhthlan ang ngei a, kawng hrang hranga eizawnna ngelnghet neihtirte a ni. Kan ram hruaitute ruahman anga Mizoram mipuiin thahnemngai taka tan an lak chuan ei leh barah te leh kawng tam takah kan intodelhin hma kan sawn dawn a ni.

NLUP hi Aibawk Jhum Control tihdan dung zuia tih tur a ni a. Mahse NLUP hian danglamna hret a nei a. Aibawk Jhum Control hnuaiah chuan chhungkaw pakhat tan Scheme pakhat chauh (Mono Scheme) siam sak a ni a. Mahse trade tam tak puitlin nan kum nga aia reite a duh avangin hemi chhunga inenkawlna tur ruahman a ngai ta a. Hemi avang tak hian Mono Scheme hi a famkim tawk lo tih hriat chhuah a ni a. Chuvangin NLUP hnuaiah chuan ‘Mono Scheme’ ni tawh lovin ‘Composite Scheme’ siam a ni ta a ni. Composite Scheme ah chuan Trade pui (Main Trade) bakah (Subsidiary Trade) trade tenau dang pek tel an ni ta a ni. He Subsidiary Trade hian chhungkaw tin sum lakluh a belh chhah dawn a ni. Hei bakah hian Mizo nunphung mil a chhungkaw tin intodelh tumna siam a ni.

NLUP HMALAKNA TLANGPUI-TE

NLUP hi ni 14.1.2011 ah Launch a ni a, tunah hian NLUP Line Department pakua, Agriculture, Horticulture, AH & Vety, Commerce & Industries, UD & PA, Sericulture, Soil & Water Conservation, EF & CC leh Fisheries department atangin beneficiaries 1,31,666 hnenah tanpuina hi sem a ni. NLUP hnuaiah hian Component 3 awmin, chungte chu Management, Infrastructure leh Development Component te  an ni.

Agriculture

Agriculture Department hnuaiah hian buh chin WRC-I leh WRC- II, Oil Palm, Fu Chin (Sugarcane) leh Agri-Link Road te khawih a ni a.

  1. MIRSAC, Govt. of Mizoram Report ang chuan, Mizoramah buh chin theih nan a ram awm (Potential area) zat chu 74,644 hectare a ni a. Kum 2010-2011 NLUP bul tan kum a buh chinna atan ram 12130 hectare (Buh chin theihnana ram awm zat atanga 16.25%) hman a ni. Record atanga a landan chuan Kum 2015-16 a buh chinna hmun hi 17,302 hectare a ni a, hei hi hei hi NLUP tan tirh 2010 – 11 nena khaikhin chuan 23.18% vela pung a ni.
  2. NLUP tan tirh a nih lai khan Mizoram in a buh a thar chhuah zat hi 47,201 Metric Tons a ni a, 2015-16 ah chuan 62,089 Metric ton a kai chho a, a punna hi 31.54% a ni.
  3. Tlangram loneih zauzawng : 2010-11 – 28,562 hectare;2015-16  – 19,851 hectare. Tlangram loneih a tlak hniamna – 8711 hectare or 30.50%
  4. NLUP leh RKVY Convergence scheme kalpui a nih hnua hlawkpui na:
    1. kum 2009-10 ah RKVY atan Rs. 4.15 Crore min pe a. NE State ah a hniam ber kan ni a. 2010-11 ah Rs. 7.49 Crore allocation hmu in a hniam ber 2-na kan ni a. NLUP avanga entitlement a pun chhoh tak avangin 2012-13 ah Rs. 200.91 Crore min pe a. Kum 2013-14 ah Rs. 132.01 Crore min pe leh a. Assam State tih loh ah a sum dawng tam ber kan ni ta a. NLUP avanga RKVY hnuaia kan sum hmuh hi Crore 400 chuang a ni.
    2. NE States zingah kan sum hmuh apung nasa ber (Annexure ‘I’).
  5. NLUP in RKVY leh SMAM Convergence Scheme a kalpuina atang hian loneitute tan Power tillers leh Mini Power tillers rate tlawm zawkin beneficiaries tam tak hnenah sem chhuah a ni a, hei hian loneitute hnathawh kawngah nasa takin a chhawk zangkhai a ni. NLUP leh RKVY Convergence scheme kalpui a nih hnu hian Link Road 777 kms lai laih tawh a ni a, hei hian loneitute tan kal velna leh chet velna kawngah nasa takin a tanpui a ni. Chubakah, convergence nilo NLUP infrastructure component atangin kuthnathawktute thlai thar chhuah phur chhuahna tur NLUP Link Road 265.3 kms laih a ni tawh bawk.
  6. NLUP tan tirh 2010 – 2011 ah khan Mizorama oil palm chinna area chu 1,878 ha chauh a ni a. Kum 2015 – 16 ah chuan NLUP hnuai bika Oil Palm chinna hi 3,315 ha lai a ni. NLUP tantirh atanga  a punna chu 76.51% a ni.

Horticulture Department:

  1. NLUP hnuaiah hian nursery pariat (8), 1,60,000 Planting material tharchhuah theihna din a ni.
  2. Kum 2011-12 chhunga Planting Material, Department nursery leh private nursery atanga tharchhuah hi mizoramin a kan mamawh zat 5% vel chauh a ni a. Tun dinhmunah Sapthei, Grape, Thingpui, Iskut etc. ah te hian ramdang atanga chawk luh ngai lovin Mizoramin  kan intodelh ve thei ta a ni.
  3. Consultative Committee for NLUP (CCN) in Horticulture Department hnuaia M. Orange a zirchiannaah chuan hengte hi nghawng tha a neihte an hmuhchhuah chu a ni:-
    1. Chhungkaw khatin kumtina tlangram  lo an vah zat chu  22.52% in a tlahniam.
    2. Rinrawl bera tlangram lo neih eizawnna a hmangtute 20% in a tlahniam.
    3. Tlangram loneih a hnathawktute pawh 18% in a tlahniam.
    4. Orange trade thlangtute zingah hlawhtlin puia hriatte chu 46-75% an ni.
    5. NLUP avang hian Mizoram chhunga serthlum tharchhuah hi kum 2020 ah chuan nasa taka pung tura chhut a ni a. Hei hian Mizoramin serthlum a tharchhuahah hmasawnna liantham a hringchhuak dawn a ni.
    6. NLUP hmalakna hnuaia Horticulture Department kaltlanga thlai hrang hrangte leh an hmalakna ram pun chhoh dan a hnuaia mi ang hian tarlan a ni.
      1. Aloe Vera – 929 Ha. (929%)
      2. Arecanut – 11811 Ha. (120%)
      3. Chayote – 5035 Ha. (39%)
      4. Grape – 2576 Ha. (56%)
      5. Orange – 16328 Ha. (122%)
      6. Passionfruit – 2700 Ha. (165%)
      7. Pineapple – 5840 Ha. (87%)
      8. Mango – 900 Ha. (22%)
      9. Tea – 440 Ha. (67%)
      10. Tung – 540 Ha. (8%)
    7. Economic survey report 2016-17 in a chhinchhiah danin, a hnuaia mi hi NLUP 1st & 2nd phase hnuaia hmalakna a thlai chin dan leh an thar chhuah dan te an ni. NLUP 3rd & 4th phase te erawh hi chu hmalak tan chauh a la nih avangin kum 4/5 hnuah a rah/tharchhuah hmuh beisei a ni.   M. Orange (Serthlum) bik phei hi chu beneficiary 10% of 1st & 2nd Phase ten an thar tan chauh a ni. Tun atanga kum reiloteah a rah tam zawk tharchhuah ngei beisei a ni.
Sl.

No.

Name of Crop Harvested Area

(Ha.)

Yield in Qntls. Yield in Tone
1 Aloevera 34 450.00 45.00
2 Chayote 420 63,000.00 6300.00
3 Pineapple 2242 2,24,200.00 22420.00
4 Passionfruit 550 11,000.00 1100.00
5 Grape 555 16,650.00 1665.00
6 Tung 348 3,480.00 348.00
7 M. Orange 853 5,11,800.00 51,180.00
Total 5,002 8,30,580.00 83.058.00

AH & Vety Department

NLUP kalpui a nih hnua bawnghnute, sa leh artui hetiang hian a  pung a ni.

Sl.

No

MLP 2012-13 2013-14 Increase

from 2012-13

2014-15 Increase

from 2013-14

2015-16 Increase

from 2014-15

Unit In % Unit In % Unit In %
1. Milk 13639.18 tons 15304 tons 1664.82 tons 12.20 % 20495 tons 5191 tons 33.91 % 21997.11 tons 1502 7.33 %
2. Meat 12076.00 tons 12189.14 tons 113.14 tons 0.93 % 12525.4 tons 336.26 tons 2.75 % 13591.60 tons 1067 8.52 %
3. Egg 351 lakhs nos. 362.32 lakhs nos. 11.32 lakhs nos. 3.22 % 377.33 lakhs nos. 15.01 lakhs nos. 4.14 % 391.13 lakhs nos. 13.8 3.66 %

Environment, Forest & Climate Change:

  1. NLUP hnuaia land use plan ah ruahmanna hetiang hian siam a ni:-
    1. Lo leh huan atana ruahman – 15%
    2. Khua leh kawng leh mamawh dang atan – 5%
    3. Ram ngaw reserve atan bik – 80%
    4. Ram ngaw reserve dan tur:
    5. Ram ngaw nghet -60%
    6. Lui hnar leh tui khur hnar (Ngaw nghet) -10%
    7. Vantlang chak lakna reserve, etc – 10%
  2. December 2010 ah Master Plan siam a ni a. Cultivation pattern,  afforestation leh Community Land Holding System siamrem a ngaih avangin kan hmalakna a chak tawk theilo a ni.

 Fisheries Department:

NLUP hnuaia water area siam zat chu 1700 ha a ni a, chu chu Mizoram a sangha dil awm zawng zawng atanga 35% lai a ni. NLUP kalpui a nih hnu hian Sangha tharchhuah hi 1.6 MT per Ha. atangin 2 MT per Ha. ah a pung bawk a ni. Kum 2016 chhunga NLUP hnuaia sangha tharchhuah zat hi 2726 Metric Ton a  ni.

NLUP sumin Thenzawl leh Tam dil sangha chi siamna hmunte siamthat a ni a. Champhai leh Serchhip District ah Paddy-cum-fish-culture atan 800 hectare velah kalpui a ni bawk a, NLUP 4th Phase zawh hi chuan sangha chi tharchhuah hi 36% velah a pun beisei a ni.

NLUP hnuaia Fisheries sector hian tlangram loneiha eizawnna 4% velin a tihniam a ni.

Soil & Water Conservation

NLUP kalpui a nih hma khan functional rubber nursery Mizoramah hmuh tur a awm lova, NLUP hnuaiah hian Rubber Seedling Nursery paruk (6) din a ni.

Kum 2009-10 a hmunphiah hralhna Rs 37 Lakhs atangin NLUP hnuaia hmunphiah chin anih hnu kum 2013-14 ah chuan hmunphiah hralhna hi Rs 14.26 Crore a kai chho a ni.

A tira Apex Board duhdanin hmunphiah te hi a hring nilovin processed-in zawrh nise tih a ni a. Hetianga kalpui a nih chuan Rs 57.04 Crore vel hmunphiah hralhna atang hian lakluh theih beisei a ni.

NLUP hmalak tan hnu a nih atanga Mizoram chhung District hrang hrang Hmunphiah tharchhuah pun chhoh dan chu a hnuaia mi ang hi a ni. NLUP tan tirh 2010 – 11 a Mizoram pum a hmunphiah tharchhuah zat chu 1,199.97 Qtls a ni a. Kum 2015 – 16 ah chuan 2,64,449.13 Qtls laiin a pung chho a ni. NLUP tan tirh 2010 – 11 atanga Mizorama hmunphiah tharchhuah punna chu 2,63,249.16 Qtls (21,937.98%) a ni.

Rubber seed production ah hian 2015-16 ah  kan intodelh tawh a ni.

Sericulture

Kum 2009-10 ah khan pangang chi tharchhuah hi Mizoramin a kan mamawh zat 5% aia tlem a ni a, kum 2013-14 ah chuan kan intodelh tawh a ni. Cocoon tharchhuah hi 41% in a pung bawk a ni. Mulbery chinna hi NLUP hnuaiah 2194 Ha in a pung a ni. NLUP hnuaiah vek 24hrs Stable Power Supply 25kWp Solar Power Plant din a ni tawh bawk.  NLUP hnuaiah Silkworm chi vawnthatna tur Cold Storage Plan, Zemabawk-ah din a ni tawh bawk. NLUP tan tirh 2011 -12 a Cocoon tharchhuah zat chu 76.10 Metric Ton a ni a. Kum 2016 – 17 a Mizoram-a cocoon tharchhuah zat chu 375.20 Metric Ton a ni. A punna chu 299.1 Metric Ton (393%) a ni.

THE COCOON PRODUCTION STATISTICS OVER THE LAST SIX YEARS

Sl.No YEAR Dfls Production (in lakhs) Cocoon Production (MT)
1 2011 – 2012 5.25 76.1
2 2012 – 2013 6.85 300
3 2013 – 2014 8.33 340
4 2014 – 2015 7.5 350.74
5 2015 – 2016 9.5 360.1
6 2016 – 2017 11.8 375.2
Total 49.23 1802.14

Central Silk Board nen muga silk experimental research tih a ni a, mizoram tan a tha dawn hle a hriat a ni. Global warming avangin Assam hian muga silk tharchhuahah harsatna an tawk chho mek a, hetihlai hian Mizoram hi muga silk tharchhuahna atan Potential area thar a ni thei tih hriatchhuah a ni

UD & PA

UD & PA hnuaiah hian Aizawl khawpui chhung (AMC Area) ah automobile workshop, beauty parlour, desktop publishing, electronic repairing, hair cutting, knitting, leather & hood works, video & photography, shoe repairing leh tailoring trade hnuaiah mi harsa engemawzatin eizawnna bul an tan theih nan tanpuina pek a ni a, chhungkaw engemawzatin hlawhtlinna neiin chhungkaw sum chawkluhna hnar berah an hmang hlawm a ni.

Commerce & Industries

Commerce & Industries Department hian Trade 24 an enkawl a. Commerce & Industries Department hotute chhut danin Industry sector hnuaia trade hrang hrangte hlawhtlinna hi 70% vel nitura beisei a ni. He sector hnuaiah hian mi tam takten trade hrang hrang hnuaiah eizawnna ngelnghet neiin, NLUP avangin chhungkua an chawm mek a ni. Khawpuiah duh angin kan hlawhtling tawk lova, thingtlangah erawh 72% vel an hlawhtling thung a ni.

Auto Rickshaw beneficiary zawng zawngte hian hlawhtlinna an hmu vek a, nitina an hlawhchhuah hi Rs 600/- aia tlemlo a ni.

NLUP avanga Additional Central Assistance a punna

(Entitlement pangngai piahlamah)

  1.  NLUP tan hma kum 7 chhung, kum 2002 atanga 2008-09 chhunga  Additional Central Assistance (ACA) , Special Plan Assistance (SPA) leh Special Central Assistance (SCA) tlingkhawm chu Rs 357.58 Crore a ni a, chawhrualin kum 7 chhung hian kum tin Rs 51 Crore  kan dawng a ni.
  2. NLUP kalpui tan atanga kum 4 (2010-11 to 2013-14) chhunga kan hmuh chu Rs 2,864.54 Crore a ni a. Chawhrualin kum khatah Rs 716.13 Crore hmuh a ni a, NLUP tan hma aiin a let 14 in sum hi NLUP avanginkan dawng hnem a ni.
  3. NLUP avanga ACA leh SPA a kan sum hmuh a pun tak avangin Finance Commission award-ah State atan long term benefit a siam bawk.

 Convergence hlawkna

NLUP hnuaiah hian Central  sawrkar duhdan zulzuiin department hrang hrang te Agriculture, Horticulture, Sericulture, Fisheries, S & WC, EF & CC, RD, Revenue te nen Convergence (thawhhona) hlawhtling taka kalpui mek a ni a. NLUP hnuaia convergence atang hian Mizoram sawrkarin hlawkna nasa tak a dawn phah a. Chung zinga tlemte han tarlang ila:-

  1. Land Use Plan hian Land Reform a kengtel a. Land Survey a ngai a. Central leh State share 50:50 a ni a, resource kan neih thatloh avangin hei hi kan phalo a ni. NLUP avangin 90:10 ah min phalsak a, hei vang hian NLUP kan tan tirh atangin Land Survey hi kan kalpui thei ta a ni.
  2. District indawta survey tihtur a nih laiin a ruala survey kan dil a, min phalsak bawk.
  3. Revenue Department hnuaia Land Survey nana pawisa convergence atana pek hmangin Central sawrkar atangin pawisa sanction hmuh  a ni.
  4. RD Dept hnuaia Watershed Development atan pawisa min pek hmangin project 16 thi tur tun nun a ni a. Hemi tun nun avangin 2011-12 chhunga project 17 pawisa sanction hmangin tunah heng project te hi RD Dept hnuaiah kalpui mek a ni.

Chief Minister’s Special Scheme

NLUP sum Bank-a pung (interest) te hi District tina Deputy Commissioners te kaltlangin CM’s Special Scheme hnuaiah mi chanhai leh chhumchhia te tanpui nana hman thin a ni a. Kelkang Harhna avanga khawtlang mipui NLUP trade pangngai  leh eizawnna pangngai khawih theilo te chhawmdawl nan hman tangkai a ni bawk.

Kelkang Harhna avang khan Kelkang khuaah mipui sang tam tak an pung khawm a. Mipuite mamawh hrang hrang Ek in, tui, bawhhlawh paih, eng etcte chu NLUP atangin pek a ni a. Hemi piahlamah hian kelkang khaw tana a bika tanpuina atan ar vulh, vawk vulh leh dawrte  ngaihtuah sak an ni a. DVO Report atangin ranvulhte hi 100% in a hlawhtling tih a lo lang a. Hemi atang hian ‘Integrated Poultry Management’ / ‘Kelkang Model’ a lo piang chhuak a, NLUP poultry trade (3rd& 4th Phase) atan phei chuan he kelkang model hi tunah hian hman mek a ni. Piggery trade-ah pawh hei hi kalpui turin ruahmanna duan chhin mek a ni.

Mizorama Pa (Mushroom) zirchianna

Minnesota University chuan NLUP tha an tih avangin min tuipui a, kum 2012 atangin Mizoram University te nen tang tlangin thawhhona tha tak tan chhoh a lo ni tawh a. Kan hriat angin Mizoramah Pa (Mushroom) eisual avangin mi tam takin nunna an chan tawh a. He thil hi kan sawkar hotuten an ngai thutak hle a. NIB chuan University of Minnesota, USA leh Mizoram University te nen thawk hovin hma lak a ni a. Pa ei tlak leh Pa ei tlaklohte thliar hran a nih theih nan Mizorama pa chi hrang hrang lakkhawm a ni a. Hemi atan hian khaw hrang hranga VC leh BDO  te kaltlanga hmalak a ni. Heng pa chi hrang hrangte hi Mizoram University mithiamten an lo process hnuah University of Minnesota ah zirchian atan thawn ani a. Kum 2017 chhung hi chuan Mizoram a pa te dinhmun, ei tlak leh ei tlak loh te chiang taka kan hriat theih kan beisei a ni. Mizoten pa eisual avanga nunna tam tak kan chan thin pawh he NLUP hmalakna atang hian a tawp thuai beisei a ni.

Pack House Project

Loneitute tharchhuah hralhna a harsatna sutkian nan leh manto zawka hralhchhuahna turin Pack House ruahman a ni a. Loneitute’n a sawhthing leh aieng an tharchhuahte Market a hralh chhuah tlaka sawngbawlna tur Pack House hi buaipui mek a ni. CMERI ten Tuirial a CDAR khawl leh bungraw neih dante an rawn enfiah a, serthlum leh hatkora tui sawrna leh hralhchhuah tura bottle-a siamdante tunah hian an buaipui mek bawk a. Agricultural and Processed Food Products Export Development Authority (APEDA) kaltlangin Tuirial-ah Pack House tur sak mek a ni ta a ni. Mizoramin kan sawhthing leh aieng te hi he Pack House kaltlang hian sawngbawl a, ramchhung leh ram pawnah te hralh tura thawnchhuah tura ruahhmanna kalpui mek a ni.

Pack House hi 80% hna zawh fel tawh a ni a. Mizoram a Aieng leh sawhthing chingtute tan malsawmna leh marketing mumal, rate tha zawk he Pack House hian a siam sak ngei beisei a ni.

Heng tharchhuahte hralhchhuahna turin APEDA nen Export Market ngaihtuah mek a ni bawk. Mizorama organic farming kalpui mekte nena kan tanrual chuan Market tha tak a awm thei tura beisei a ni a. Pack house hi kum 2017 ah hnathawk tan thei turin ruahhmanna siam mek a ni.

Link Road

NLUP Infrastructure Component atangin Link Road te hi laih a ni a. Mizoram hmun hrang hrangah Link Road thar engemaw zat laih a ni tawh a ni.

NLUP Godown / Market Shed

Agriculture Department, Rural Development Department, Soil & water Conservation Department leh NLUP atangtein Godown/Market shed siamthar a ni a. NLUP Infrastructure Component hnuaiah hian Mizoram hmun hrang hrangah kudam (Godown) 15 sak a ni tawh a, heng kudam te hi kuthnathawktute leh a awmna khawtlang neituten an chhawr tangkai hle a ni. Hengte bakah hian hmun hrang hrangah kuthnathawktute tan liau liau lei (bridge) te dawhsak a ni a. Kuthnathawktute thlai tharchhuah zawrhna hmun tur (Market Shed) engemawzat sak a ni tawh bawk.

UNO nena thawhhona

UNO in NLUP tha min tihpui avangin UNO peng hrang hrang UNDP, FAO, UNIDO leh ILO te nen a Mizoram tana hmasawnna changtlung zawk siam turin thawhhona thuthung (MOU) pawh October 16, 2014 ah kan ziak a. Chumi bawhzui chuan UNO Organization peng hrang hrang ten urhsun takin tunah hian hma min lakpui mek :

  • FAO hamlakna in thingtlang lo neih dna tha zawl buaipui mek a ni.
  • UNDP Consultant te hmalakna in marketing plan leh strategy tha zawk buatsaih bakah loneitute chanai tih pun dan tur ruahman mek a ni.’
  • ILO hmalakna in Mizorama employment survey hmasaber (in-dept study plus survey) neih a ni a.  Labour Policy, employment policy, skill development policy leh Skill Devlelopment Institute dinna tur project min buatsaih saka. Hengte hi Government policy anga kalpui lah hmalak dan tur ruahman mek a ni.
  • UNIDO in Mizorama mau tangkai zawka eizawnna atana hmandan tur ruahmanna min siam saka, kalpui dan tur ruahman mek a ni.

MZU leh Minnesota University thawhdunna

Sorkar hmalakna avangin Mizoram University leh Minnesota University thawhhona thuthlung siam a ni a. Hei vang hian University mithiam ten America University lian, Minnesota University ah mi engamawzat in tirin training an enih bakah Minnesota Univeristy mithiamte nen Mizoram hmansawnna turin kawng hrng hrnag in hma an la.

He thawhhona MOU hi May 2016 thleng a ni a. Minnessota University Team leader rawtna in thawhhona thuthlung kum 3 dang atana extend turin remtihna kan lo la tawh bawk.

IFAD leh NLUP thawhhona

13th NLUP Apex Board meeting thutlukna angin NLUP Phase-II atan kawng hrang hrangin hmalak a ni a. Hmalakna zinga pakhat chu Rs 500 Crore project, IFAD hnuaia duan mek hi a ni.  IFAD hnuaia District 4 – Champhai, Serchhip, Kolasib leh Mamit District ah hmalakna tur ruahmanna hi kan dawng tawh a, Government in final turin a endik mek.  He project hmang hian hmathar lakna chi hrnag hrang piang ngei tura beisei a ni.

Marketing lama hmasawnna

UN leh Mizoram sawkar thawhhona pawh tluang taka kalpui zel a ni a. hmalakna kalmek hnuaiah kuthnathawktuten an tharchhuahte hlawk leh awlsam zawka an hralh theihnan India ram leh ram pawn lama Company lian tak tak heng Coca cola, Louis Defyrus, Fresh Foods Ltd, Organic India, Sunflag Agrotech, Sresta Organic, Omni Earth Science Pvt. Ltd,. Suminter, Access Development Services, Haldirama, Keventer, Paras Spices, VK Aromatics leh company dang lian tak takte nen workshop/meeting neih niin, anni te nen hian mamawhna ang zela kan thlai tharchhuahte lei dan tur ngaihtuah zuiin kan thawkho mek a ni.

NLUP Phase-II hnuaiah Marketing Promotion atan Minnesota University leh Mizoram University mithiamten Value Chain Analysis an kalpui a. Thil tha tak ni tura ngaih a nih avangin Action Plan an buatsaih mek a. Kuthnathawktute tharchhuah zawh dan tur leh hamthatna tam zawk an hmuh theih nan hei hi a tangkai ngei beisei a ni.

Kuthnathawktute thar chhuah hralh leh hlawk zawk a thawnchhuah theihna atan hian UN leh NIB thawhona hnuaiah Marketing Task Force din a ni a. Anni hian Mizoram chhung leh state pawna market chungchangte zirchiangin, theihtawpin hma an la mek a ni.

NLUP Phase-II hnuaiah bawk hian kawng hrang hrangin TATA Trusts hnuai atangin Northeast Initiative Development Agency (NEIDA) nen hma lakho mek a ni a. Vawk in/Ar in tha zawk sak dante leh ran enkawl dan tha zawkte Mizoram hmun hrang hrangah an rawn kalpui mek a ni.

Kuhva Skop

NLUP hnuaia kuhva trade thlangtu tam tak ten hlawk zawka kuhva an hralh theihna turin NLUP atangin kuhva skop-na tur,  Chemphai, Bilkhawthlir ah peih fel a ni a. December, 2016 atangin enchhinna (trial run) kalpui mek a ni. Hemi bakah hian hmun tam zawkah siambelh tura ruahhman a ni bawk. Hetianga kuhva skop-na siam a nih atang hian phai lam atanga kuhva lei thinte atang hian Kuhva man a let 2 a sang te in kuhva chingtuten an hralh theih phah mek a ni.

Innovation Cell

Hon’ble Chief Minister-in Mizote zinga khawl chi thar siamchhuak theite tuipui taka  hma a lak avangin tunah hian NLUP atangin heng khawlte hi siamchhuah an ni tawh a-

  1. Automatic Mizo Bamboo Round Stick Machine (AMBROS)
  2. Semi Automatic Bamboo Chipping Machine
  3. Chainless Bycycle
  4. Brush cutter-cum- pit digging Machine
  5. New Solar Sprayer for Agriculture
  6. Turmeric and Ginger Slicer

Heng khawlte hi hmalak turin enho mek a ni.

  1. Automatic Neembu Juicer
  2. Changel Channa khawl (Vawk chaw channa khawl)
  3. Kuhva thelna khawl
  4. Zo Multipurpose Machine
  5. Nova Electric Khawl
  6. Zo-weight Electrical khawl

Mizote zingah thluak tha tak tak kan awm teuh a, heng tena khawl chi hrang hrang an hmuhchhuahte mumal zawka siamchhuah an nih theihna atan NIB hnuaiah Innovation Cell dinin hmalak a ni. Heng khawlte hi ataka production tan a nih hunah Zoram mipuite bakah khawvel hmun zauzawk tan pawh hmasawnna nasa tak a thlen theih beisei a ni.

PRRS hrileng tihtawp nana hmalakna

March 2013 ah PRRS nasa takin Mizoramah a leng a, mizorama vawk vulhtuten an tuar hle a ni. NLUP hnuaia Piglet Multiplication Centre (PMC) te pawh a ti thuanthu hle. PRRS Epidemic hi India-ah a lanchhuah vawi khatna  nih avangin kalpui dan turah pawh kan bangbo hle a, NLUP leh UN thawhhona hnuaiah FAO Expert-ten  ‘PRRS Control and Containment Strategy’ tha tak an siam chhuak a. Hei hi india ram tan pawh PRRS buaipui dan atana remruatna hmasa ber a lo ni ta a ni. Thla 7  hnuah PRRS chu tha takin thunun a ni a. Vawk vulh lamah hmalak chhoh mek a nih leh laiin April 2016-ah PRRS Mizoram-ah a lo leng leh a. Tawn hriat kan lo neih tawh avang leh a buaipui dan FAO in min siamsak tawh avangin a tum 2 na ah hi chuan PRRS hi thla 4 chhungin Control theih a lo ni ta a. PRRS avanga tawrhna pawh kum 2013 ai chuan nasa takin a  tlahniam nghe nghe a ni.

Foot and Mouth Disease

Mizorama Foot and Mouth Disease a lo lanchhuah khan ‘Control of Animal Diseases’ tha zawk kan lo neih tak avangin he natna hi liantham takin a leng leh ta rihlo. Ran natna venna kawngah hma kan sawn chho hle.

NLUP hnuaia Monitoring kalpui dan

NLUP duanchhuah a nih hian Central sawrkar chuan monitoring atan 3rd Party  hman nise a ti a, monitoring atan hian NABCONS hman an ni chho ta a ni. Central sawrkar-in a duan piahlamah hian monitoring atana uluk zawka kalpui kan hotuten an duh avangin mithiam leh tanpui ngâite chhawmdawlna-a thahnemngai rual, Consultative Committee of NLUP (CCN) leh Mizoram University mithiamte chu monitoring ti turin hman an ni a.NLUP hmalakna endiktu ‘Evaluation Team’, Mizoram University mithiam ten  Industry Department hnuaia kan hmalakna-a thil fel lo, siam that ngâi an hmuh, an rawn tarlante hian beng a verh viau laiin a thatna leh hlâwkna an tarlante hian rilru a ti lawm hle bawk.  NLUP beneficiary 99% aia tamin Bank awmna khuaah chuan account an nei a, bank awmlohna  khua engemawzat a la awm avangin NLUP beneficiary pumpui atanga teh chuan 96% laiin Bank account an nei a. Hetiang taka Financial Inclusion hlawhtling hi India ramah scheme dang a awm tamlo hlein a rinawm. Hei hian NLUP sum kalsual leh pelhe te a veng tha hle a ni.

Monitoring uluk taka kalpui a nih avang hian NLUP dawng chhunzawm tlaklo leh diklo a tite bakah thihna avangtein NLUP beneficiary mi 1,178 te chu paih (delete) an ni tawh a ni.

Beneficiary tam takte sum lak luh a leta pung a awm bakah thingtlâng hmun kil khawr zâwka khawsa 70% chuan an hlawhtlinpui mek a ni tih tarlan a ni bawk a. Hemi bakah hian NLUP Impact Analysis atan Radiant Integrity Techno Solutions Pvt. Ltd (RITS) NLUP monitor na atan hman an ni leh a. RITS hnuaia monitoring kalpui mek hi chu NLUP dinhmun pumpuia zirchianna mumal tak a nih bakah Exit Protocol siam hun atan pawha tangkai tak a ni nghal dawn a. India Prime Minister-in Digital India atana hma a lakna hi NLUP chuan kan lo kalpui daih tawh a lo ni.  Hei hian NLUP kal zelna atân beiseina lawmawm tak min pe. Hei hian hlawhtlinna kan neih theihna tura sorkar inhawnzia a tilang chiang hle a ni

Beneficiary te hnena NLUP tanpuina pek dan

NLUP Line Department pakua (9) ten he kum 6 chhunga an thawhna ah beneficiary te chan ai eiruk sak emaw, duhâmna bawlhhlawh emaw avanga mahni ta lo sum lak pen sak report awm miah lova vawiin ni thlenga kan kal thei hi tunlâi hunah thil chhuanawm leh lawmawm tak a ni.

Serthlum chindan endikna

NLUP Consultative Committee report danin NLUP 1st leh 2nd Phase beneficiary te hmalakna atanga chhut-in tun atanga kum 7 velah chuan Mizoram serthlum thar nasa takin a pun ngei a beisei awmzia a tarlang.

Collaboration with UN agencies

NLUP hmalakna avangin UN Agency pali, United Nations Development Programme (UNDP), Food and Agriculture Organization (FAO), United Nations Industrial Development Organization (UNIDO) leh International Labour Organization (ILO) te nen thawhhona thuthlung tha tak neih a ni a, he thawhhona atanga hmalakna tlangpuite chu:

  1. Agriculture Ministry atangin FAO hmanga Agriculture leh a kaihhnawih programme hrang hrang kalpuina turin Rs 4.5 Crore hmuh a ni. FAO hnuaiah hian Farmer Field School, Mizoram Sloping Agricultural Land Technology (MiSALT) kalpui mek a ni. India sawrkar chuan ‘Control of Animal Disease’ scheme atan Rs 2.80 Crore a sanction a. Hei hi FAO in Mizoram a PRRS leh ran hri leng chi hrang hrangte khuahkhirhna atan an rawn hmang a ni.
  2. ILO hnuaiah ‘Start and Improve Your Business (SIYB)’ atan Training of Trainers buatsaih a ni a. SIYB hian mimal sumdawnna tha zawka kalpui dan kawng hrang hrangin a kalpui a ni. ‘Skill Gap Assessment for Mizoram’ chu ILO hnuaia expert ten a hmasa ber atan an siam tawh a, hetah hian  Man Power Policy Framework , Entrepreneurship Development Framework, Skill Development Policy Framework leh Labour and Planning Policy Framework an siamchhuak a. Hei bakah hian establishment af entrepreneurship centre model project min siamsak bawk.
  3. UNDP hnuaiah Market Task Force din a ni a. Mizoram thlai tharte hralhna tur zirchian mek a ni.
  4. UNIDO hmalakna in ‘Improving Mizoram Bamboo Value Chain: Strengthening Production, Processing and marketing Capacity’ duan a ni a. Hei hian mizoram mau  te hlawk leh tam zawka thar chhuah leh hralhna atan nasa takin kawng a siam dawn a ni. He programme hi Govt. of India ah thehluh a ni tawh a, nawrzui mek a ni.
  5. Tunah hian International Fund for Agriculture Development (IFAD) atangin project thar Rs. 900 crore vel   buatsaih mek a ni a.  Project design final stage kan thleng tawh a. Project final a nih hunah a amount zat tur chiah hi puan theih a ni ang. NLUP Phase-II atan Kum 2018 atanga kalpui tuma ni.

Hmasawnna Lamtluang

NLUP leh DDK Aizawl chuan MoU ziakin Mizoram sawkar hnuaia NLUP hmalakna te pholanna tur programme ‘Hmasawnna Lamtluang’ DDK kaltlanga mipuite hmuh turin an tichhuak a. NLUP mai bakah Mizoram sawrkar hnuaia hmsawnna hrang hrangte tarlan thin a ni a. Thingtlang kilkhawr zawka chengte pawhin Mizoram sawrkar hmalakna hrang hrangte chu chiang takin an lo hmuh theih phah a. Mipuite harsatna phochhuahna remchang a nih bawk avangin department ten development kawnga hma an lakna ah insiam that zelna hmanrua tangkai tak a lo ni a. Mipui leh sawrkar thawhhona tha zawk a siam a ni. He programme hian Mizoram sawrkar hnuaia department hrang hrangte zingah inelna tha a hring chhuak hlein hriat a ni.

CAG Audit Report

CAG Audit Report ah baseline survey chungchang thute, compact area buatsaih chung changthute, NLUP Apex Board ina beneficaiy thlang anga report-na te leh thil fel lo anga ngaihtheih chi hrang hrangte hi thubelhchian dawl lo a ni.

Baseline Survey hi YMA hmanga khawtinah siam a ni. Heng list te hi khaw hrang hrang YMA ten DC ah an submit a. NIB office in DC office atangin an dawng ve chauh zawk. Chuvangin Baseline Survey Report Village Level Committee te  hnenah pe lo anga sawi hi thu belhchian dawl lo a ni.  NIB atangin DC zawng zawng hnenah heng list te hi atun dan ang lo pe tura instruction pek an ni bawk.

Compact area thlan chungchang : Khaw tinah beneficiary thahnem tak thlan vek an nih avangin Mizoram hi cluster area / compact area 40 ah then a ni. Central Sorkar scheme danga compact area nen danglamna  a awm chuang lo.

NLUP Beneficairy thlan dan : NLUP Apex Board ina NLUP beneficiary thlang anga an report hi thubelhchian dawl lo a ni a.  Beneficairy zawng zawng hi Village Level Committee in thlangin DC ah submit a ni a. DC atangin NIB ah a lo lut a.  NIB in a lo endik hnuin NLUP Apex Board hian formal approval a pe mai a ni zawk.  Tin, 1st Phase tan tirh dawn khan beneficiary thlante rintlak a nih leh nih loh endik turin neutral body, Mizoram University rawih a ni a. Aizawl khawpui leh a chhevel cluster 10 (MLA bial 10)- a beneficiary thlante uluk taka endik a ni a, dik lo nia ngaihte engamawzat cancel an ni bawk.

NLUP hmutlak lo thlan chungchang : A tir atangin NIB hian NLUP Manual a buatsaih a.  NLUP Manual ah hian eligibility criteria felfai taka siam a ni.  Hei hi NLUP Apex Board in approval a pek hnuin uluk taka kalpui a ni.  DC zawng zawgn te hnenah Village Level Committee thlante uluk taka endik tua hriattir an ni a. Mi 1000 chuang cancel an ni tawh.  Hmutlak lo anga ngaih report NIB in a dawn hi ngaihthah pakhat mah a awm lo.

NLUP  hlawhchham anga puhna  hi dawt hulhual a ni. Hlawhtlinpui chhuanawm tak tak khaw tin rengah an awm.  NLUP Monitoring Agency atana ruat Mizoram University te, NABCONS (NABARD Agency) te leh a dang dangte report ah hlawhtlinna hrang hrang hi tarlan a ni. Autorickshaw trade thlang tute hlawhtlinna pawh hi sawi tham tak a awm.  Carpentry leh tailoring trde thlang  thangtute hlawhtlinna vanga an sum lak lak luh nasa taka lo pung bakah mi 1000 chuang zet employment an siam sak.

Vawiin  (2.6.2017) Zirtawpni hian NIB in hemi chungchagn sawi tur hian NLUP Line Department zawng zawngte meeting a ko a, uluk taka thil ngaihtuah chungin chhanna fel fai tak an siam ang. PAC la ngaihtuah tur thil a nih avangin Sorkar kalphung thlir chunga sawifiahna siam tum a ni.  A hun takah hrilhfiahna hi mipuite hriat turin puan chhuah a ni ang.

Comments are closed.

error: Vote for Congress!