Mizoram Pradesh Congress Committee (MPCC)

RESOLUTION

13/12/2018

RESOLUTION

Ni 12 (Nilaini) Dec., 2018 a MPCC Office Bearers Meeting chuan kum 2018 MLA Election chungchangah a hnuai a mi ang hian Resolution a Pass a ni. 

MPCC O.B. Meeting chuan inthlanna muanawm leh felfai tak a kan zo thei chu lawmawm a ti hle a. Theihtawp a party in kan thawhna leh hmalakna te a lawmawmin, thlantlin zawng zawngte MPCC chuan a lawmpui a. Sawrkarna siam thei a MNF in hnehna a chang hi MPCC chuan a lawmpui a. Chutihrualin, party hrang hrang candidate tling zo ve ta lo te pawh MPCC chuan a tawrhpui tak zet a ni.

Inthlana theih tawp chhuaha tha leh zung sengtu Congress party worker Zoram hmun hrang hrang a mite chungah MPCC chuan lawmthu a sawi a. Hei bakah inthlan dawn hnaihah inthlan tibuai thei leh inthlan hun sawn ngai hial tur khawpa lang buaina kan tawh lai a “Hnam Hnatlang” hlawhtling tak a tlawmngai pawl ten an buatsaih thei kha a lawmawmin Kohhran mipui tawngtaina leh Mizo mipuite kan tanrual vangah MPCC O.B.Meeting chuan a ngai a ni. 

MPCC chuan Mizoram mipui te kum 2018 Krismas leh kum 2019 Kumthar lo thleng tur hlim taka hmang turin duhsakna a hlan a. Congress sawrkar chhunga mimal emaw pawl emaw tupawh Congress party in an rilru a tihnat leh hliamte an awm a nih chuan chung mite hnenah chuan thinlung takin MPCC chuan ngaihdam a dil nghal bawk a ni.







(VANREMSANGA)
Secretary MPCC
i/c GAD

Last modified: 13/12/2018

Comments are closed.

error: Vote for Congress!