Mizoram Pradesh Congress Committee (MPCC)

New Economic Development Policy

Kamkeuna

Pathianin ram min pek hi tlangram, ram kilkhawr, ram zawl pawh awm bar lo, tuipui kama awma lawng lian hmanga hnam dang nena sumdawnna remchang pawh nei lo nimahsela, hetiang ram kan neih avang hian Pathian remruatna hi kan tana tha tur zawk hi a lo ni reng mai. Mizote hi hnam mawl, kan ram bawh a lo chhiat deuh huna pem kual pem kual mai, thenawm khuate nena indo ching tak hnam kan ni a. Kan ram hi ram zawl duai, khawvel ram dang tana lawng hmanga sumdawng leh indo lawng zin te’n an tlawh awlsam tak chu lo ni ta hlauh se chuan kum 400 liam ta emaw a hma daihah emaw khan chimralin kan awm tawh ngei ang. Ram kilkhawra kan awm chunga harsatna tam tak paltlanga Pathian tirh Missionary te’n min rawn zawn chhuah khan kan ram a mihring chengte pawh sala min neih daih duh aia kan thlarau chhandamna duh an nih daih zawk avang khan lehkha te min zirtir a, hawrawp te min siamsak a, vawiin thlenga helai ram kilkhawra a hlanga kan la awm theihna leh khawvel sakhaw changkang leh Pathian tak bia kan nih theihna hi kan ram leilung (topography) leh Pathian remruatna mak tak vang a ni. He tlang ram, chhengchhe taka Mizo hnam hlang tha tak kan awmkhawm a, Pathian remruatna avangin hnam anga humhalhna mak tak kan chang a ni. Hnam changkang dang, sala min siam a, kan ram min neihsak tum te ang lo takin Pathian Missionary te hian kan ram hi min chen chilh a, ziak leh chhiar leh Pathian nung min hmelhriattir a, khawvela sakhaw changkang ber chu nghet takin min vawntir ta a ni.

Hemi chungchang kan sawi laia sawi loh theih loh, thil mak tak, Pathian Chatuan remruatna ni ngeia ngaih loh theih loh chu hei hi a ni – Mizoram te reuh te hi khawvela sakhaw lian ber ber pathumin kil thumah min hual bet tlat a. Chung ramte chu kal kanin Pathianin a Missionary te kan ramah a rawn tir a. Kan Lalpa chuan, “Khawvel ram zawng zawngah kal ula, chanchin tha hi hril rawh u” a tih hi kan bula awm, ringlo mi hnam dang te hnena Pathian rawng kan bawlna remchang a lo ni thei daih dawn a lo ni.

Kan ramin hnam ropui ni tura dinchhuah theihna tur remchanna (advantages) tam tak a neih hi i han sawi dawn teh ang –

Khawvel huap pawha kan sawi ngam chu sik leh sa chungchang ringawt pawh hi sawi tham a tling a ni. Ram changkang tam tak, America ram te, Europe ram te leh Canada ram te hi kum khat chhunga thla hnih thla thum chhung hi vur tam lutuk leh vawh lutuk avanga pawna hnathawh hleih theih lohna ram an ni. An khawpui ropui ber ber te pawh hun tam takah lirthei kal hleih theih lova vurin kawng a hnawh thin, sum tam tak senga thenfai reng ngai an nih hun hi a tam thei khawp mai. Ram hausa te an nih hlauh avangin an inchhung leh hnathawhna hmun zawng zawng chu Air-conditioned niin sum an sen chiamna hi Mizoramah sen ve ngai a ni hauh lo mai. Khaw lum zawng ti ila, India ram ngeiah pawh hian nipui laia khaw lum avanga mihring an thih hnemzia chu a hretu kan ni. Mizorama a lum ber laia Celcius degree 30 vel chauh a nih lai hian an hmun tam berah chuan degree 40 hi a pel vur vur reng mai a nih khu. Electric leh khawl ngai hauh lovin kan ram chu a pumpui mai hian Pathian khuanu Air-conditioned vek kan ni leh tlat mai.

A dawt lehah chuan khawvel ram changkang leh ram upa tam takah chuan mi naranin ram an nei tawh lo. Keini Mizo chuan kan thawh peih phawt chuan khawi khuaah pawh pem ila, kan mamawh tawk ram kan nei tlat a ni. Vawiina “Ram ka nei lo” ti tam tak hi chuan khawpuiah ram an nei lo a ni chauh a ni. Chuvangin ‘Landless’ tia chhiar tur pakhat mah Mizoramah kan awm lova, dinchhuah tuma insangphek peih tan chuan ram hi kan la nei zau khawp mai.

Mizo te’n hnam dang thenkhatte harsatna hre vak lova ngaia kan neih mai palh hlauhawm khawpa remchanna lian zet kan neih chu kan pi leh pu hun atanga Mizo lal te’n lal upa te leh khawnbawl te hmanga khawtlang ro an lo rel thinna fel tak chhunzawma khawvela rorelna felfai, entawntlak, British Sorkarin min rawn chhawp tlat mai hi a ni. Thu chhia hla chhia remna chungchangah te, khawtlang inawp dan chungchangah leh mihring inzahtawnna chungchangah kan Missionary leh min awptu hmasa te zarah rorelna (governance) tha kan nei tlat mai a ni. Hei hian vawiin thlengin awlsamna leh remchanna tam tak min thlen a ni. Khawvel hnam tam tak hi inhnehchhuh inawpna avanga anmahni awptu te’n an chunga ro an rel danin a zir loh avangin vawiin thlenga ram leh khawtlang ro inrelna chungchanga harsatna nei an tam em em a ni.

Remchanna namai lo tak Mizo te’n kan neih leh pakhat chu inbiak pawhna tha kan nei hi a ni. Kan vai deuh thaw hian tawng khat hmangin kan inbia in ziak pawhin kan inhrepawp thei a nih hi ! Kan Missionary hmasa te vangin Roman Script neiin Mizo alphabet tha tak kan nei a, kan khawtlang leh Sorkar thlenga kan rorelna tam tak hi lehkha zir sang lo tan pawha hriat theihin inhriat pawh theihna kan nei a ni. Nitin/kartin chanchinbu bakah Veng/khaw tinin mahni veng chhung chanchin hriat theihna in tina sem te kan nei a. Hei bakah hian Mizotawnga chhiar theih lehkhabu leh kan hriat tur pawimawh leh pawl bik chanchin ziakna te chu in tinah chhiar turin kan nei fer fur mai. Hetiang taka ziak leh chhiarin a chiah hnam hi khawvel ram dangah an tam lo ngei ang. Hemi tiawlsam turin kan hnam chu ziak leh chhiar (literacy) sang tak kan nei hlauh bawk a, he remchanna hi kan ram rohlu pawimawh tak a tling a ni.

Rambuai tuar hrep tawh kan ni a, ram chhunga remna leh muanna hlutzia hre chiang ber kan ni ngei ang. Kan ramah hian kum 1986 atang khan chhum lo chat lo tih theihin remna leh muanna kan nei a, hei hi State dang te’n an awh ngawih ngawih, mahse chuti maia an neih ve theih si loh, keini neih bik a ni. Ram chhunga remna leh muanna ber a awm avang hian hmasawnna kawngah awlsamna kan nei tha em em a, hei hi kan remchannna danglam bik leh chhuan tham tling a ni leh a ni.

Mizo hi thuawih thei tak hnam kan ni. Kum 2008 December thla ni 11-a Sorkar thar a lo din khan mipui lama hrilh lawkna pawh nei lovin Sorkar chuan Kohhran, YMA leh Media lam te nena tanghovin hun tepter tak karah ‘Kumin Krismas leh Kum Thar chu halpuah leh halmawi i hal lo teh ang u’ tiin Mizo mipui a ngen a. Vauna awm hauh lova chu ngenna chuan rah ropui tak a chhuah nghal a, Krismas leh Kum Thar chu bengchheng awm hauh lovin kan hmang thei a nih kha ! Kum tam tak tih makmawha kan lo neih tawh, tam tak phei chuan hal atan leh zawrh atan pawh an lo lei khawl hnem awm teh reng nen khan hnam thuawih thei kan nih tlat avangin ngenna ang thlapin kan zawm thei a ni. Hei chauh hi a ni hlei nem – Inthlanna hrang hranga sum senso a tlem theih nan Mizoram People’s Forum (MPF) chuan mipui leh inthlana Candidate te ngenna a siam a, inthlan vanglai pawhin kawng zawh luih luih, ruaitheh mup mup leh insawichhiatna thawm ring tak tak hriat tur awm miah lovin hei kum tam tak chhung chu MP, MLA, AMC, Local/Village Council inthlanna tam tak kan hmang thei ta a ni.

Mizo hnam hi thil thar tihhmuh awsam, tihhmuh nuam, zirtir theih tak hnam kan ni. Kan lo tih fo thin dan pawh tha zawk nia kan hriatah chuan awlsam tein kar lovah kan thlak thei mai zel. Economics tawnga Demonstration Effect an tih hi Mizo zingah chuan a chak tha char char khawp mai. Kawm chhak pain a hlawhtlinpui chu kan ti ve thuai ngamin kan ti ve thuai thiam zel a ni. Khawvel ram dang hnam tam tak hi hetiang hi an ni hauh lo mai a. Vawiin thleng khuan, an tia lawm, America rama Red Indian ho khu, thiamna thara damdawi leh a enkawlna hman aia inthawi la duh tlat an la awm teuh an ti. Mizo chuan kan pi leh pu huna kan atna leh puithuna atthlak tam tak chu awlsam takin kan kalpel thei mai a ni. Hnam tihhmuh theih kan nih hi kan remchanna lian tak a ni.

Mizo hi hnam mak tak kan nihna leh dingchhuak tura remchanna tha zet kan neih chu ‘Leadership’ nei hnam kan ni tlat hi a ni. Vai ram emaw Sap ram emaw pawh ni se, kan zirlai emaw khawtlang nunah a hruaitu hi kan ni thuai thei zel a ni. Mizo pali/panga awmna Hostel emaw College emaw University-ah emaw pawh hian mak ang reng takin a hruaitu nihna hi kar lovah kan chelh zel thei a ni. Pu F. Lalremsiama, Ex-MLA khan MLA a nih laiin House-a a thusawinaah, “Mizo hi hnam dang hian min ngaichang a nia. Mi hnunga kal dun dun mi kan ni lo, a hmahruaitu kan ni zel” a ti a, a dik thui khawp mai.

Remchanna tha tak kan neih leh pakhat dang chu dinchhuah duh hnam kan ni. Ram changkanga zin te zin report chu Pulpit atangin kan ngaithla a, kan tih ve theih a nih dan kan ngaihtuah fo thin a ni. Dinchhuah kan duh em avangin hetiang rama an hmasawnna leh an tih dan ngaihthlak hi kan ngaihnawm tih ber a ni reng a ni.

Aw le, hei kan Sorkar chuan kan Chief Minister zahawm tak, Pu Lal Thanhawla kaihhruai leh remruatnain mirethei, mahni theihna ngawta ding chhuak tura eizawnna kawnga rahbi tleu tawh, retheih luat leh bawrhsawmna avang emawa retheihna khura tlu lut, khaichhuahna turin NLUP a buatsaih a. Kum 5 chhung hian chhungkaw 1,30,000 chuang zet chu chutiang chuan tanpuina pek an ni tawh a. He NLUP hmanga tanpuina avang hian mirethei tam tak dinchhuah duh tam tak a lo pui tawh a ni. Mahse, Mizoram pumah NLUP mamawh ngawih ngawih, la chang ve hrih lo chhungkaw engemaw zat an awm tih Sorkarin a hriat avangin NLUP hi a tul ang zela chhunzawm Sorkarin a tum a. NLUP nena thawk rual turin Sorkar hian rethei chhanchhuahna ata hausakna kawng zawn nan tunah New Economic Development Policy (NEDP) a rawn chhawp chhuak leh ta rup mai a ni.

Hei vang hian vawiinah chuan kham khawp thar hram hram tumna hun atanga tam zawk tharna ram, khawsak tawk tawkna hun atanga dinchhuahna ram (Exodus from subsistence to Bountiful Land) tiin NEDP hi a taka hman turin Sorkarin a rawn chhawpchhuak ta a ni.

KHAI LE, NEDP HI I HAN BEL CHIANG TEH ANG

A chunga kan sawi tak remchanna tam tak kan neih lai hian kan Mizo thawnthua Chhura leh Naa chanchin hi tunlai Mizo mipui rilruah hian thar leh se kan duh a ni. Chhura chuan chengkek zar a kuai kur a, chengkek chu a kutin a tuai a tuai a, mahse, “Naa chu ni se a lo mai tur” tiin lo thei lova inngaiin a thlah leh ta a ni, tih hi vawiinah hian kan rama remchanna nei teuh si hian, “Israel mi chu ni ila….Korean chu ni ila…American chu ni ila…Japan chu ni ila…” tiin kan remchanna tam tak hi kan thlah phal tur a ni lo. Tumahin kan ram hi min rawn siamsak dawn lova, kan ram hian keini aia hmangaihtu a nei lova, tun hun hi kan tan hun rangkachak a ni.

Hna ropui leh harsa, namen lova beih chiama hlawhtlin theih chauh Sorkarin a hmachhawn apianga a neih makmawh chu Political Will hi a ni. Ram rorelna vawngtu Politician hian inthlannaa tlak thak ngamin thil tha hi an ti ngam ang em ? Mipuiah leh an thuhnuaia awm, Sorkar hnathawk te’n dodalin harsatna tinreng tawk ta se, ram leh mipui tana tha bera an hriat chian phawt chuan an ti ngam tho ang em ? Kawng laklawhah pen bona tur a tam thei ang, ngaih pawimawh tur, mimal, Pawl leh nawr chak tak tak leh an rawngbawlsak tur mipui ngei pawhin ram leh hnam tana tha ber tura an ngaih hi phurpui lovin tithuanawp zawng pawhin dodalna emaw pen bo lawkna emaw pawh lo awm se, huaisen takin Sorkar hian a ti ngamin a ti duh ang em ? He zawhna khirh tak vawiina Pu Lal Thanhawla leh a kaihhruai Sorkarin a chhanna chu – POLITICAL WILL CHU KAN NEI E. Kan ram leh hnam thatna leh dinchhuahna tur hi harsatna tinreng karah pawh kan ti zel ang tih hi a ni.

NEDP hlawhtlinna innghahna tur lian ber pakhat leh chu Sorkar leh mipui hian CHANGE hi kan duhin kan ti ngam tak tak em tih hi a ni. Khawvel leh kan ram ngei pawha Change kan hmuh tawh, kan thatpui em em thenkhat i han tarlang teh ang –

  1. Kum 1700 chawhnu lam atanga intan, kum 1900 chho vel thlenga khawvela danglamna thlentu lian ber chu Industrial Revolutionkha a ni. Hei hian kuthnathawh kawngah mi 10 leh a aia tam daih thawh ngai kha khawl hmangin mi pakhatin a thawk thei ta a. Sakawr leh chhipa thil phurh thin kha lirthei leh Railway hmangin tam tak phurh theih a ni ta a. Hei hian ram neitu, mihausa leh retheite kar a tizau sawt a, Karl Marxhmalaknain khawvelah ram tam takah Communism a rawn hring chhuak ta a ni. Hei hi history-a Change lian tham ber kan hmuh kan leh kan nun dan nasa taka sawi danglamtu a ni.
  2. Mizoramah hian Changehi a thleng nasa khawp mai. Hmanah chuan mipa in silai pu a dai lam pana an feh chhuak tur hi ramsa kap tur tih kan hria a, kan ngaisang hle a ni. Mahse, vawiinah chuan thil zahthlak a ni ta. Puipunna hmuna mei kan zu khu luai luai thin kha vawiinah chuan a reh ta duak mai. Sorkar Files chhung zawng zawng thuruk ni thin pawh tunah chuan a hre duh apiangin an dil a, Note-sheet-a thuziak thlengin Sorkar an lepse thei tawh. Hmeichhia te’n an thawhchhuah ve ngei rosum chu inthen nikhuaa an chan fai vek pawh The Mizoram Marriage, Divorce and Inheritance of Property Act hmangin chanvo hlu tak nei an ni ta. Aizawl khawpui enkawl tur bik, Council pawh tunah kan nei a, Aizawl Municipal Council tih pawh duh tawk mai lovin Aizawl Municipal Corporation dinhmunah kan hlangkai. Hmeichhe chungchuang bik, fel fal bik chauh hi Village Council leh MLA atan thlan theih emaw tia kum 10 pawh la liam lova kan ngaihdan chu India Constitution thuzawmin Mizoramah AMC, Village Council leh Local Council-ah dan phal chinin tihmakmawhin hmeichhia thlan ngei ngei a lo ngai ta. India Constitution-a Provision awm miah lovin ram chhunga remna leh muanna a awm theih dawn chuan mahni dinhmun phetin mi dang tan Lalthuthleng ken theih te hi Change ropui tak a ni. Awlsam taka Change thleng, thingtuah aiah Gas hman, Landline telephone aiah Mobile phones – tih te pawh hi Change kan neih thar zing ami a ni. India ramah ngei pawh hian kum 1947 daiha British rorelna atanga Independence nei tawh si khan kan ram Budget neih tirh a ta khan kum 2000 AD vel thleng khan British Budget pharh ruala pharh kher kha ngai tlatin an hria a. London, Greenwich Mean Time chhun dar 12-a British Budget pharh hun milin India ramah pawh kum tin February ni hnuhnung ber, tlai dar 5:30 p.m. khan kum 50 chuang teh meuh Budget hi an pharh thin a. Hei hi kum 2000 khan emaw ni an bansan ta chauh a ni. Thil tih than hi awmze nei lo hian kan lo vuan nghet viau ringawt duh a, rilru hian ‘Change’ hi a ngaihtuah thiam thin lo bawk thin a ni.
  3. NEDP thawh a nih dawn hian Change kan hmachhawn dawn a ni. Hei vang tak hian Political Will a pawimawh ber ringawt mai a. Department-a Sorkar sum sem a nih danah pawh tun hmaa tlem tlema pung hret hret theuh sem diat diat lam aiin a mamawhna leh hmanna tur mila sem pek (Allocation) hi Sorkarin a tih a ngai ta a ni. Sorkar sum tual leng a tlem tawh dawn a, boruaka sum zawngtute tan sum hmuhna hnar khar a ni tawh dawn a ni. Change hian a rawn ken tur pawimawh tak bawk chu Sorkar zelin engkim tih vek aia mimal/Company hmanga hnathawh hi a rawn hring dawn a ni. Sorkar hnathawk lak belh lam aiin felfai taka thawk thei tura Sorkar thawh tur tam tak hna pek chhuah (Outsourcing) hi uar a ngai a ni. Sorkar lian bur aiin Sorkarin a taka hna a thawh lian (Minimum government, Maximum governance) hi NEDP-in a rawn chhawmluh tur bawk pakhat dang a ni.
  4. CHANGE zinga pawimawh ber tur pakhat chu System Changehi a ni. Remruat thiamna hian hnathawh tha a hring a, chuvangin inngeihna te pawh a ken tel a ni. Heti hian an sawi thin – Unau pahnih chhang i phelsak dawn chuan a u zawk kha pheltir la, a nau zawk thlan hmasak tir rawh – tih hi. Mihring rilrua duhamna te leh kan ze sual, Adama atanga kan chhawm hi zirtir ngai lova naupang pawhin an rawn hriat nghal a ni a, zilhna leh thu tha Sermon hian a tireh mai lova, chuvang chuan a System zawk khan a rawn chinfel a ngai a ni. A upa zawk khan a naupang zawkin a thlang hmasa dawn tih a hriat tlat avangin duh thlanin awmze nei lek lo khawpa intiatin chhang chu phel a tum ang. A lian zawk awma a zai vaih chuan a nauvin a chang dawn tih a hre si a. Hetiang hian System Change tha leh remchang tak tak hi NEDP rawn chhawm luh a nei dawn a ni.
  5. NEDP kan neih atanga Mizoramin kan hmelhriat thar tur pakhat dang leh chu Department engemaw zat chuan luhchilh bikneih hi a ni dawn a ni. Himachal Pradesh chuan Apple an luhchilh a, an dinchhuahpui a. Switzerland chuan sana siam (watch making) hi khawvela a ti tha ber ni thei turin an luhchilh bawk a. Chutiang chuan ram hrang hrang pawh hian luhchilh bik an nei a, thil dang an thlah thak phei chu ni chuang lovin. Hmanni lawka India rama State hrang hrangin thar chhuah tam lama lawmman an dawnna Crop chu hetiang hi a ni : –
    1. Foodgrain production : Meghalaya, Madhya Pradesh, Odisha, Haryana & Rajasthan.
    2. Pulses : Chhatisgarh.
    3. Coarse Ceraals – Tamil Nadu.
    4. Oil Seeds : – West Bengal
  6. (Meghalaya State hian vawi 4 Foodgrain Production-ah lawmman a dawng tawh a, lawmman hian cheng nuai 500 a keng tel ziah bawk a ni). Mizoram pawh hian Developing Department (Producing Department) te hian tun tumah chuan an hnathawh pangngai thawk chung zelin mahse NEDP hnuaiah erawh chuan luhchilh bik an nei thei dawn a ni. Thlai leh buh leh bal thar kawnga luhchilh bik neih a nih tur ang bawk hian Department tam tak pawhin tih bik an nei ang a. Entirnan, P & E Department pawhin Solar Village buatsaih emaw, Tourism Department-in khawi khua emaw Tourism Village siam emaw an luhchilh bik ang. Aesop-a thawnthu pakhatah khan sihal leh zawhte chungchang kan chhiar thin a. Ngaw hmuna an kal laiin Sakei lo kal ta hlauh se engtingnge an him theih ang tih an sawi dun a. Sihal kha chuan kawng tam tak a hria a, a sawi teuh mai a. Zawhte kha, n”Nang engtinnge i tih ve ang ? Kawng engzatnge i hriat ?” tia a zawh khan, zawhte khan “Kei chu kawng khat chiah chauh ka hria. Thingah ka lawn mai ang”a ti a. An sawi ang tak tak khan sakei kawlh a lo kal ta a, hre tam em em Sihal khan a hriat zinga a enga mah kha a hmang thei ta lova, zawhte erawh chuan a hriat chhun – thinga lawn daih mai kha – a hmang a, sihal hre tam takin a thihpui lai khan zawhte erawh chuan a hriat chhun pakhat kha a dampui ta a ni. Hetiang deuh hi a ni a, kan rama thlai, ran, Industry lama tih tur kan hriat hi ti duah lovin, luhchilh nei ila, kan hlawhtling daih zawk dawn a ni.
  7. NEDP thawh a nih atanga danglamna awm nasa tura kan beisei chu loneitu, thingtlang mi, rethei ve tak tak te chauhvin thlai, buh leh bal thar chhuah hna hi thawk lovin eizawnna puitling anga ngaia kan thalai lehkhathiam leh kan mi hausa te’n eizawnna ngelnghet neih nan leh sum tuak tak tak nan hmang se tia Sorkar remruatna thar hi a ni.
  8. Tun hma zawng aia uar ngei ngei ngaia NEDP-in a ngaih chu mipuiin a neitu nihna an neih theihna zawnga Sorkarin hna a thawh hi a ni. Mipui nena tanghovin Department hnathawhna tinreng, PWD, PHE, P & E, Soil & Water Conservation, Health, Education, Tourism, Veterinary, Fishery,Agriculture, Horticulture etc. etc.-ah hian mipui nena thawhhonatur hmun remchang siamsak a, mawhphurhna l pawh keng tel thei tura ruahmanna siam a ngai a. Mipuiin engkim hi mahni ta anga phur taka an thawh phawt chuan hlawhtlin ngei ngei theih niin Sorkarin a ngai tlat a ni.
  9. Hetiang dinhmuna Mizoram kan din avang hian ram hausa tak ni thei si vawiina kan dinhmuna lungawi lovin dinhmun thar siam a, Mizoram chu thawh chhuah ngah ram kan nih zawk theihna turin New Economic Development Policy (NEDP) hmangin Sorkarin hma a la dawn ta a ni.

NEW ECONOMIC DEVELOPMENT POLICY CHU ENGE NI?

NEDP chungchanga kan hriat tur pawimawh tak awm leh chu hei hi Comprehensive Growth Strategy For Mizoram a nihna hi a ni. Sorkara bet tlat, kawng tinrenga mipui laka Sorkarin a tih tur, kawng thum lian pui pui a siam – General Services Administration, Social Services Administration leh Economic Services Administration hi a khawi amah hmaih thelh awm lovin, amaherawhchu luh chilh bik neiin he NEDP hian a khawih vek dawn a ni. English-a booklet New Economic Development Policy – Comprehensive Growth Strategy For Mizoram tih kha Mizoram Legislative Assembly-ah kumin March thla khan Budget Document zingah telhin MLA zawng zawng leh chanchinbu lam thenkhatte chu pek vek an lo ni tawh a. Planning & Programme Implementation Department Website-ah pawh a duh apiang tan chhiar leh ‘download’ theih a siam a ni tawh bawk a. Mahse, English-a ziak a nih avangin Mizotawng hian a kimchang thei ang berin dah chhuak ve leh ila, he lehkhabu buatsaih a nih lai leh lehkhabu hmasa chhuah inkara thil thleng thar te pawh a tul angin telh belh ila tih a nih avangin hetiang hian Mizo tawngin buatsaih a ni ta a ni.

  1. Ram kilkhawra awm, ram chhengchhia ni bawk si hi India ram dang atanga indaidanna neiin tuma tlawh pawh lovin kum za tam tak Mizoram hi a lo awm tawh a. State danga thiamna thar leh hmangchang thar hmanga an hmasawnna ang hian Mizoram hi a thleng pha ve lo a ni. Chuvangin Mizo te chu buhchium, him taka a awmna a a awm tlat ang deuh hian kharkhipin kan lo awm kumkhua thin a.
  2. Tunah hian khawvel thara inelna zau zawkah kan la inrin ve hma in kan duh leh cho vang pawh ni lovin kan lut ta phut a ni ber a. He khawvel zau tak, ram changkang te inelna hautak zetah hian Mizoram chu kan lut ta a ni. Entirna angin sawi ta ila. Khaw thenkhatah chuan an ram mil nia ngaiin thlai/thei chin bik an nei a. An thar tam viau laiin a hring hrana hralh mai bak chu tihngaihna vak an hre lova. Hetiang tak hi NEDPhian awmze neia a puih theih tur, an mamawh intawm lo phuhruk kha a bitum tur a ni a. Chalrang te, New Chalrang te, Khawhai te, Vangtlang e, Sialhawk te, Biate leh Lungtan te chuan lakhuihthei an nei tam thei viau mai a. Neih tam leh zual pawh an inbeisei a. An neih tam tak tak theih dawn chuan NEDPhian remruatpui thei se, an hlawhtling thei ngei ang. Mahse, ei emaw in emaw tur a nih dawn hi chuan sumdawnna tak tak tur chuan National Brand (e.g. Kissan, Paul’s etc.) te nena inbiakrem pawh a pawimawh thung ang. Hetiang zel hian remruatna mumal, Sorkar pawhin theihtawp a chhuahpui ngai hi Mizoram hmun hrang hrangah a tam thei viau dawn a ni.
  3. Kan ram chu khawvel ram dang, Myanmar leh Bangladesh ram te’n min karcheh tlat a. Khawvel ram dang nena inkalpawhna kan neih chhun chu kawnga inkalpawhna leh zing lutuk lova thlawhtheihna kan neih hi a ni chauh mai a. Kan thenawm ram te nena kan ramri lah chu khawi hmunah pawh luh leh chhuah theihin a kaw hel hul mai bawk si a. Kan rama lut tur leh ram atanga thawn chhuahna tur, bungraw thiarna kawng chungchangah hian harsatna namen lo tak kan la nei reng a ni. Hei hian Economics lama kan than a tithuanawp nasa hle a ni.
  4. Heng kan sawi harsatna hi nei mah ila, Mizoram chuan a chunga kan sawi tak Pathian thil pek remchanna tam tak hi a nei ve thung a. Heng hi chu Preamblelamah kan sawi vek tawh tho bawk a, sawi nawn kher tawh lo mai ila.
  5. Kan Sorkar Flagship Programme, NLUPchuan rethei te an retheihna khur atanga khaichhuakin chhungkaw tam tak tan eizawnna mumal a buatsaihsak tawh a. Kan NLUP leh NEDPprogramme hrim hrim te hian ram tihchereuna leh kan lui leh ramsa leh nungcha humhalh hi a tum tlat a. Chutiang zawnga hmalakna chu kan chhunzawm chho zel dawn bawk a ni.
  6. Kan lo neih dan hlawk tawk lo leh hmanlai lutuk hi NEDPhian rawn thlak danglam a tum a. Vawiina kuthnathawktu leh lonei a eizawng te’n hlawhchham hlauhna leh khawsak tawk tawk chauh thawhchhuah theihna an neih thin hun atang hian an sal tanna atanga NEDP hian a chhuah theih bakah hausak theihna ram a thlen theih dawn avangin ‘Retheihna khur ata chhuaka hausakna rama luhna’ (Exodus from subsistence to Bountiful land)tiin he NEDP hnathawh tur (Operation) hi a hming pawh kan sa nghe nghe a ni.
  7. Mizoram Sorkarin he hun hi remchang taka a neih theihna chhan lian tak chu Fourteenth Finance Commission (FFC)-in India ram States te hnena sum a pek dan tihdanglam thar a nih tak vang hi a ni. Tun hmaa Planning Commission remruatna hnuaia sum inpek thin aiah kan sum hmuh tur ang ang chu State te’n mahni ram theuh mil leh mamawh zawnga hman theih turin Central Sorkarin sum min rawn pe ta hlauh mai a. State Sorkar kutah kan dinchhuahna emaw kan hlawhchhamna emaw a innghat ta a ni.
  8. Kum 2014-a Planning Commission tihbo a nih tak leh Fourteenth Finance Commission-in State hnena sum a pek dan a danglam inrual hian State tin te chu mawhphurhna lian tak min pe ta theuh mai a ni.
  9. Tun hmaa Normal Central Assistance (NCA)te, Special Plan Assistance (SCA) te, Additional Central Assistance (ACA)te chu chhunzawm tawh lovin 14th FC sum min pek chu State-in thiam taka kan remruatna hmanga kan hman a ngai ta a. Ministry of Development of North Eastern Region (DoNER) atanga Non-Lapsable Central Pool of Resources (NLCPR) leh North Eastern Council (NEC) atanga kan hmuh te chu a Project man zaa 10 keini’n tuma thawh theih zui a ni dawn a. Hei bakah hian Department tam takin Central Sorkara Ministry hrang hrang te hnathawh mil a Centrally Sponsored Scheme (CSS), a Project man za atanga 10 keini’n kan tum vena engemaw zat a awm bawk a. Hetiang hmanga hnathawk thei tur hian tun hmaa India rama Central Sorkar atanga State te’n sum kan chan, zaa 32 ni thin kha zaa 42 laiah tihpun a ni ta a. Kan indaih lohna phuhrukna tur, Revenue Deficit Grant pawh kan mamawh ang apiang zat ni lovin, Central min pek theih ang zat zat pawh kan dawng zel bawk a. Hetiang sum remruatna remchang hi State hian kan lak thiam a ngai a, retheihna chhuahsan a ram intodelh kan nih ve theih nan NEDP hi phur takin kan buatsaih ta a ni.
  10. Kan chhak ram, South East Asian ram te nena hmasawnna kawnga kan inzarzawm theihna turin Central Sorkar chuan Look East Policydungzuiin Act East Policya duang a. Hetiang hmasawnna kawng hrang hrang buatsaih a nih lai pawh hian khawvelin a engto em em, khawvel lum tial tialin chhiatna a thlen rup theih leh ram leh nungcha tihchereu avanga mi tam tak eizawnna lo derthawng chho mek hi Sorkar chuan a ngai pawimawh ber lo thei lo a ni.

NEDP THIL TUM

2:1 Kan sawi tak, Fourteenth Finance Commission remruatnaa sum sem dan thar chu remchanga la a Mizoram hian ram dinchhuahna duan chhuah chu a tih makmawh a ni ta a. Kan Chief Minister zahawm tak, Pu Lal Thanhawla hovin ram mipui, kan thalai te, kuthnathawktu tam berte leh thiamna hrang hrang neia eizawnna dap mek te tana tangkai leh hman theih mai tur, tlo leh mitin tana hman theih remruatna NEDPhi duan chhuah a ni ta a ni.

2:2 NEDPhian Sorkar chu a tak ram thleng thei tur, huaisen taka hmalak theih, sawt bawk si remruatna a siam ta a. Hei hian ei leh bar dehchhuah tam zawkna kawngah te, eizawnna siam belh kawngah te, Sorkar leh mimal sum dinhmun tha zawk a hlankai kawngah te, Sorkarin mipui rawng a bawlna kawnga zam tha zawk leh chak zawnga hma a lak theihna kawngah te, heng hmalakna te hi vawi khat tiha liam duak mai lova cham reng tur a tihngheh kawngah te hma a la dawn a ni. Kan hma a kum lo la awm tur thlira kum tam tak daih, a zawngchhak thlak dawn avanga chhunzawm zel tlak, a tul anga her danglam hret ngai pawh her danglam hret theih Policy hi a duang chhuak ta a. Kum 5 chhunga thawh tur tih nimahse kum tam tak thawh tlak a nih dawn avangin hun inherin inher danglam hret hret a rawn thlen tih lovah chuan kum tam tak kalpui tum a ni.

2:3 Preamble lamah pawh kan sawi tawh ang khan Thalaite Khawvel Tharpawh hi he NEDP hian a tum pawimawh tak a ni a. Kan Mizo thalai te’n Agriculture te, Veterinary te, Fishery te, Bee Keeping te, eizawn theihna tinreng leh thiam thila eizawnna, Industry Department hnuaia thawh theih tam tak hi Businessanga an luhchilh kan duh a. Mizoramah hian hnathawk thei rual, thalai te an tam hle mai a. Anni tan hian hna hniam leh te lua awm lova, dinchhuah theihna tawh phawt chu an luhchilh theih tur zawnga buatsaihsak hi Sorkar tum ber a ni.

NGAIH PAWIMAWH HMASAK TUR

3:1 Department pakhat chhungah pawh an hnathawh kha tluantling tur chuan a lakkhawm, dahkhawm, hralh chhuah kha a thartu vekin ti lovin mawhphurhna mumal tak inla zawn fel thlapin ruahman a ngai a. Department hrang hrang pawh an thawhho atanga hna intawm neih a ngai fo dawn a. Kawng laih chu thar chhuak mi te tan chuan zuk buaipui vek theih a ni lo ang a. Chuvangin, an mamawh intawm buatsaihsak pawh Sorkar tan a lo awlsamin a hna khat thei deuh zawk dawn a ni. Hetiang inmamawhtawnna hi Linkages (in mamawh tawn vanga inzawmna) leh Interlinkages (Department hrang daih pawh inmamawh tawnna vanga inzawmna)tiin kan sawi fo dawn a ni.

3:2 (a) Agriculture & Allied Sector :ah hian buhte, thlai te, purun te, iskut leh thlai dang tam tak, kum tina vawi khat emaw vawi hnih emaw thar theih chi, Mizoram ngeia kan mamawh hi thar chhuah tam a ngai a. Thar chhuah a tam hle hunah chuan State pawna hralh ngaih hun a la thlen chuan Linkages kan tih hmangin thawnchhuah theih tur zawngin hma lak a ni ang. Tin, Veterinary & Animal Husbandry Department hian sa ei tur lam leh bawnghnute ngahna kawng te, Fishery hian sangha nei tam theih dan tur kawng te an zawng ang a. Kan ngaha Mizorama hralh sen loh kan neih chuan State pawna thawh chhuah dan kawng pawh Linkages kan tih hmang tangkaiin ngaihtuah a ni ang.

(b) Industry- Manufacturing Sector : ah pawh hian kan rama kan ngah, mau hmanga thil siam chhuah te, Handloom, Handicrafts, Agro-based Food Processing te ngaihtuah a ni ang.

(c) Infrastructure Development : Kawng tinrenga mipui leh hnathawktu te’n an mamawh intawm, Kawng te, Electric te, Tui te, Information Communications Technology (ICT) lama hmasawnna te, Faina lam leh thli luanna siam phuisui te ngaihtuah a ni ang.

(d) Services Sector : Thiam thil hmanga eizawnna hi Mizo te theih zawng tak a ni a. Engemaw hun lai, kum 30 liam taa Matric/B.A. ‘pass’ chuan Sorkar hnathawh an tum a, an hlawhtling mai bawk a. Tunah erawh chuan zir sang leh zir sang kher lo pawhin eizawnna tura kut/thluak themthiamna hmanga eizawnna tha tak tak a awm tam tial tial a. Mizo fate tan Tourism & Hospitality, Sports & Recreation (intihhlimna lam hawi), Education, Health care, ICT, Transport leh kawng dang tam takah chhawr tlak kan nih dan emaw keimahni’n mahni puala Business anga kan dinchhuahpui theih dan a zirin eizawnna ngelnghet hi a tam tial tial tawh a ni.

3:3 A chunga thawh tur pawimawh dah khawm khi fel taka indawt dan dahin Sorkarin hmachhawp indawt siamin a thawk ang a, a ruala thawh theih ang ang pawh hna chak theih nan sum dinhmun zir zelin a thawk dawn a ni.

THAR CHHUAH TIPUNG TURA HMA THAR LAKNA

4:1 A hlawk viau vang ni hauh lovin tih tur dang kan hriat remchan loh avangin Mizo mipui tam ber chuan lo neih a, buh leh bal leh thlai thar chhuah hi kan nitin eizawnna pui ber a ni a. A pawimawhna erawh kan sawi seng lovang. Hei vang tak hian lo neih hna h Mizoram tan a pawimawh a, awmze nei zawka hma thar lak kan mamawh a ni.

4:2 Sorkar Flagship Programme, NLUP chuan loneitu leh kuthnathawk te thui takin a tanpui tawh a. An thar chhuah tam avanga an thar chhuah te hausakpui theihna kawng Sorkarin a buaipui azarah tlem te neih atanga zawrh tham neihna kawng (subsistence to market-oriented agriculture) hun kan thleng dawn ta a ni. Mizoram Sorkar ni lo pawl hrang hrang, NABCONS/NABARD, Synod Social Frontleh Mizoram University (MZU) te hian NLUP hlawhtlinna emaw hlawhchhamna emaw zir chianna an nei mek a. MZUPreliminary findings chuan Agriculture leh Allied Sector-ah leh Industries Sector-ah 44.78 % thanna an hmu a. NLUP hi khawvel ram dang Agencies leh India ram Agency, UN Agencies leh JICA leh Tata Trust chuan Mizoram Sorkar chu thawhpuiah a rawn sawm hial nghe nghe a ni.

4:3 Hetianga hmasawn chhoh zelna tlem te thar chhuaha neih tawk tawk chauhna dinhmun atanga zawrh chhuah tham neihna (Market-Oriented agriculture)min thlen mai dawn a. Hei vang hian kan thawh dan kawngah pawh kawng thar leh danglam kan ngaihtuah a ngai nasa hle dawn a ni. (i) Thar chhuah hnem kawng emaw (ii) zawrh chhuah kawng emaw hi a mal ngawt chuan a famkim lova. Chuvangin NEDP hian khaihlak hman lova a inzawm tur tur inzawmna a siam a pawimawh dawn a ni.

4:4 Hetianga lo neih danphung danglam thar hian lo neih dan hrim hrimah pawh kal dan thar a rawn hring chhuak dawn a. Chumi hun thleng tur chuan Mizoram Sorkar hian Department-ah mi thiam hrang hrang a ngah a. India ram aiawha Mizorama rawn awm, tuna Kolasib-a Indian Council of Agriculture Research (ICAR)te, State Institute of Rural Development (SIRD) te, Hnahthiala Integrated Training Centre (ITC) te, Selesih-a Central Agricultural University College of Veterinary Sciences & Animal Husbandry te,Mizoram University (MZU) leh Pachhunga University College (PUC) tea mithiam leh zirna hmun te hmang tangkaiin kan pi leh pu atanga kan lo neih dan hlui chu kalsanin NEDP hmang hian tlem te thar chhuah thinna atanga sumdawnna tling (subsistence to market economy) kan nei thei dawn a ni.

4:5 Mizoramah hian kan lo leh huan atanga kan dehchhuah hi mipui zaa 60 vel zet hian kan inghahna a ni a. Kan State sum deh chhuah zawng zawng (GSDP) atanga teh erawh chuan kan thar chhuah hi a tlem tial tial tih a tarlang reng thung si a. Loneiha eizawng an pun tial tial lai hian a thawktu tak tak hi an tlem tial tial thung tih hmuh chhuah a ni hian ngaih pawh a ti tha lo thei ta viau mai. Mizo te’n ram kan neih dan kalphung pawh hi ennawn a ngai ta hle a. Loneitu te hian an nitin hnathawhnaah hian hnathawh hlawkna tur khawp thiamna hi an nei lo tih hi hmuh chhuah a ni a. Heng te avang hian Sorkar hian ram neih dan thar tha zawk (Land reforms) leh loneitu te tana hnathawh thiamna siamsak (skill transfer) hi a ngaihtuah tak zet a pawimawh ta a ni. Andhra Pradesh-a Sorkarin ram chu neihtir kher lova hmantir dan a buatsaihsak ang pawh khu kan lakchhawn a tha ang. Hei hian duham vanga ram neih chiam a, hman tangkai leh si lova, engemaw huna suma chantir tumna a tibo daih thei dawn a ni. Hetiang remruatna hi Sorkarin a siam vat loh chuan Mizoramah hian a mamawh te’n ram nei thei si lovin mi duham te’n nakina suma chantir theih hun atan ram zau tak tak an nei zo vek thei dawn a ni.

4:5 Contract Farming :Oil Palm chin leh Contract Farming atang hian hetiang remruatna hi a hlawhtling thawkhat tih chu kan hmu thei mai a. Thlai dang dang, a bikin kumtin thar chi ah te pawh Company dang dang te nena Contract Farming a hlawhtlin theihna hi sawi uar a ngai dawn khawp mai. Bekang te, Masala te, thlai chi hrang leh thei chi hrang hrang te, hmarcha te, vaimim te, alu te ang thlai te pawh hi Punjab-ah te, Madhya Pradesh-ah te, Maharashtra-ah te an tih angin Mizo kuthnathawk te’n an tih ve dan kawng Sorkarin dappui a ngai a ni. Hemi kawngah hian Sorkar hian Agriculture Produce Marketing Rulesleh Contract Farming Rules te buatsaih felsak thuai thuai a mamawh a ni.

4:6 Tam thama Agriculture thar chhuah hralhna Market :Hei hi vawiina kan dinhmunah chuan a thawk chhuaktu tak tak aia a lo hralh chhawngtuin a hlawkna an chan tamna leh Consumer te’n man to zawka kan lei ngaihna tlat bul ber hi a ni a. Mizoram khawpui hrang hrangah thar chhuah leikhawmna hmun (Wholesale Market Yards) leh dah thatna hmun (Cold Storages, Warehouses) leh a hralhchhuah lehna lam (Marketing) pawh ngaihtuah hmasak a tul dawn a ni. Mizoram pawna thawn chhuah kher loh pawha kan ram chhunga kan zawrh dan turah pawh thianghlim leh hrisel zawka sawngbawl dan hi ngaihtuah vat ngai zing a mi a ni bawk.

4:7 Market Information System : Hei hi kuthnathawktu te tan a pawimawh em avangin Market Intelligence Unitneih thuai a, hmun hrang hranga thlai/thei/sa etc. man hriat zung zung theihna hian kuthnathawktu te nasa takin a tanpui dawn a ni. TV te, Radio te, Mobile phone te thlengin hman tangkai theih vek an ni ang.

4:8 Fertilizer leh thlai venna damdawi : Thlai thar chhuah hrim hrim hi kan leitha, thlai damdawi kan hman dan emaw hman tawk chauh dan emaw hman miah loh dan azirin an inhlut hleih thei hle a. Lei tha kan hmang lo thei lo a nih pawhin Chemical Fertilizerhi Manure (bawng/vawk/ar/ran dang ek leh changpat siam lei tha) ai chuan an duh lo hle mai a,a chhan chu mihring hriselna khawih chhe thei, natna hlauhawm thlen thei an nih tlat vang a ni. Chuvangin Manure hi Fertilizer (lei tih thatna) rau rauvah chuan an thlang daih zawk a ni. Ram tam tak phei chuan Chemical Fertilizerleh thlai venna (Pesticides/Insecticides/Weedicides etc.) hmanga thlai thar te hi a duhin an duh bau lo. Hei vang hian kan thlai thar te dinhmun sawifiahtu Certificate neihna kawng hi Agri. Business kan luh tak tak dawn avangin a pawimawh dawn a, loneitu te tan rinawmna pawh a pawimawh bawk dawn a ni.

4:9 Ram zim takah pawh thlai chin dan indawt leh ram hman tangkai dan kan thiam chuan kan thar hnem thei a. Agriculture Scientists te an pawimawh dawn a. Hei hi Mizoram chhung ngeia kan Directorate leh Indian Council of Agricultural Research (ICAR), (Kolasib) te, Integrated Training Centre (Hnahthial) te hi an thiamna kan hman tangkai thiam a ngai dawn a ni. Hetiang remruatna hi Farm Integrationan ti a, Mizoramah hian kan la hmelhriat vak lo nain kan hman tangkai theih tak tur a ni.

4:10 Animal Husbandry -Hei hi thlai, buh leh bal lama kan mamawh ang bawkin kan thalai lehkha thiam te leh kan mi hausa te pawhin luhna tlaka an ngaih khawpa sumdawnna/sum peipunna tha a kan siam a ngai a ni. Nei leh nei lova an tih hram hram tura ngaih mirethei zawk te tih tura dah lovin eizawnna ngelnghet, eizawnna tlakah kan chhuah a ngai a ni. Hetah ringawt pawh hian employmentremchang tam tak neih theih a ni.

4:11 Link Road – Feh kawng tih ai mahin thawhna hmun kawng ti ila kan tum hi kan fuh zawk ang. Chenchilha thawhna hmun, luhkhung tlak ram tha kan nei nual a, mi tam takin an buaipui tham a nih chuan Motor kawnga pawh tlak hmun tha hi chu a fur a thala kal reng theih Link Roadsiam tum a ni ang. Vawi khatnaah chuti chiam chuan kan siam hnem thei hauh lovang tih chu hriat sa a ni a. Mahse, kan mamawh thawhchhuahna hmun pawhna, chuta tanga kan thiar chhuah lehna kawng a nih miau avangin uluk taka ngaihtuahin hei hi ngaih pawimawh ber zinga telh a ni.

4:12 Kan hma kum hnih lek chhung pawh hian kan thar chhuah hi zaa 2chauh pawhin kum 5 chhung hian pung chho thei zel se chuan kan ram thanna chu a duhawm khawp ang. Hetiang hian hemi chungchanga kan ram mamawh chu sawi ta ila – hmang chang tha zawk, zawrh leh hralh kawnga tunlai Agriculture kawng thar – (an Innovative, market-oriented and modern agriculture) kan ti thei mai awm e.

4:13 Sorkar leh kuthnathawktu te thawkhovin thar chhuah tam belhna kawngah te, a hralh chhuahna hlawk zawk dap kawngah te kawng thar kan hmuh ngat chuan kan ram leilung rah chhuah hmangin ram hausakna hi kan hausakpui thei dawn a ni. Hei vang tak hian Sorkar chuan thalai lehkha thiam leh mi hausa tehe hmun tuna ruak titihah hian sawm lut sela, thlai thlan bik, ran vulh tur thlan bik nei emawa bul kan tan ngat chuan kan hlawhtling em em ang.

Thil siam chhuah (Industry) lamah ve thung

5:1 Industry hi thil siam chhuah leh hemi kaihhnawih eizawnna kawngah chuan mi tam ber tan eizawnna ngelnghet leh hausakna a ni a. Mizoram hian lei hnuai hausakna leh kawng danga thar chhuah tam kan neih tlem avangin Industry hi kan hmelhriat thuk lo hle mai a. Heti chung hian Sorkar hian kan thalai lehkha thiam te leh kut themthiam te hian Industry hi luhchilh tak tak thei se a duh ni.

5:2 Vawiinah hian Industry Department hnuaia eizawnna hi a danglam chak viau mai a. Thiamna sang nei tan chuan Research & Development (R & D) te hi kan Mizo thiam tur chi tak, eizawnna tha tak a ni a.

5:3 Kan ngah ber pakhat, mau hi thil tam tak siam chhuah nan a pawimawh em em a. Kan ram rohlu tling, mau hi Forest, Environment & Climate Change Department remruatna hnuaiah a tawk chauhva seng (harvest) thin tur a ni a. Hetiang lova seng a nih chuan kan ram ‘environment’ a ti chhe thei a, amaherawhchu a tawk chiaha seng a nih thung chuan seng miah loh aiin a that phah thei ve thung a ni.

5:4 Mizoram hian State dang te nena khaikhin pawhin mau hi kan ngah khawp mai a. Mahse a hlawkna hmu tak tak tur chuan a hmun bik siam (Bamboo Plantation) te hi Sorkarin a ngaihtuah a ngai ta a ni.

5:5 Mau hi Industry atana kan hman tak taka, eizawnna leh sumdawnna tling buatsaihna atana neih a tum chuan Sorkar hian Policy mumal tak te, handloom, small industries, handicrafts leh agro-based food processing te hmanga industry mumal, chung zawng zawng enkawlna tura kaihhruaina leh dan felfai a neih pawh a pawimawh hle a ni. Hetiang a nih chuan hnam dang hausa zawk te hian kan ram leh a mihring te min chhawr fe vek thei a ni.

5:6 Industry-Manufacturing lam hian kum 5 emaw a aia rei emaw kum khata zaa 3atanga zaa 4vel inkar tala than hi tum tlat se. Hetiang thleng thei tur chuan – (i) thiamna leh khawl tharin remchanna a rawn thlen hi a tangkai thei ang bera kan ram thil neih tam (entirnan – mau, bamboo) hman tangkai leh (ii) chu hnathawhna tura harsatna awm thei – business te, labour chungchang te, sum neih tam tawk loh chungchang te hi hneh kim vek a ngai dawn a ni.

Mamawh Intawm siam kawnga remruatna

6:1 Kan mamawh intawm (Infrastructure) hi ram than na tluantling neih nan te, mi dang nena inelna kawngah te leh mipui than chhoh nan te a pawimawh em em a. Ram hausakna kan neih leh chumi hman tangkai chu ram din chhuahna innghahna bul chu a ni mai. Chumi tur chuan sum (capital), manpower (tha/fuat) leh thiamna thuk (technology) te hi an pawimawh a. Heng kan sawi diat diat te tangkaina tak tak chu kan hman thiam leh thiam lovah a innghat leh tlat a ni.

6:2 Thar chhuah thiar zung zung theihna kawng te, dahkhawmna hmun tha te, dahkhawm sa sawisak danglama a hlutna tihsanna khawl leh zawrhchhuah tura buatsaih leh a taka zawrhchhuah kawnga mi thiam leh hmanraw lian tham, mimal te tein an rawn thiar khawm neih leh hetiang thila thiam bik nei mi rawih te hi Sorkar mawhphurhna pawimawh ber a ni a. Kan Sorkarin theih ang angin a ti ve zel na in State dang te tluk turin kan duh ang dinhmun kan la phak lo hle mai a. Chuvangin NEDPchuan an mamawh intawm- kawng, power, tui, khawl lian, dahna hmun, chunga thawk tur thiam bik nei mite (infrastructure) buatsaihsak hi a ngaih pawimawh hmasak tur a ni. Heng thil te hi mimal tana tih mai theih loh, mahse, Sorkarin a tih chuan tih theih a ni vek a. Hetiangah pawh hian Sorkar ngawt ring lova, heng thil a thata lawm tur leh a chhiata pawi ti tur, a hmangtu mipui kha thui tak mawhphurhna nei ngei ngei tura buatsaih hi Sorkar duh leh tum dan a ni. A theih ang chin chinah phei chuan eizawnna insiamsakna kawng a nih bawk avangin Outsourcing (Sorkar ni lo hnena inremna mumal tak neia mawhphurhna nei ve ve a mimal emaw Company emaw hnena hlan chhawn hi Sorkar duh dan a ni bawk a ni.

6:3 A chunga kan sawi, mipui mamawh intawm enkawl leh mawhphurhna pek chungchangah hian ram changkang te entawn tur a tam hle tawh a. Sorkar chuan tharchhuaktu te hrek lo tur leh an thil tih theihna hmanga harsatna siamsak a zara ‘rate’ tlawma leisak tum tlat leka kuthnathawk leh loneitute venhim hi dan hmangin a tum tlat a. Mimal emaw Company emaw pawhin tha taka an thawha hlawkna an hmuha thalai te eizawnna siamsakna kawng a nih chuan taima leh rinawm taka hnathawh kha an tum lo thei lova. Hetiang remruatna hi Sorkar tan, hnathawktu tan, mimal/Company tan Win-Win situation (zavai that tlanna) a thlen thei thin a ni. A hlawk loh emaw a hlawhchham der pawha hlawh ngai reng hlawh tan hetiang Commercial Enterpriseang hi tih ve chi a nih loh avangin Sorkar hi a inthiar fihlim tial tial dawn ta a ni.

6:4 Kum 1991 atanga India ram pawhin Privatisation a rawn uar tan atang khan India ram chu chak takin a thang ta uak uak mai a. Sorkar khawih thin tam tak Company leh mimal kuta dah a han nih khan chawp leh chilhin Corruptionpawh a bo nghal a ni ber a. Vawiina India ram leh Mizoram ngei pawha kan inpuhna lian tham, Corruption rawn inlarna hi chu Sorkar emaw Sorkar hnuaia thawhnakawngah zel a ni. Hetiang avang hian mimal/Company kuta thawhtur pek, Privatisation emaw Outsourcing emaw hi Sorkar hian hna a that zawk avang leh sum a sen tlem zawk avangin a zawngchhang chho tial tial a. Loh theih lova mipui rawngbawlna kawng, General Administrative Services leh Social Services Sector (Education, Health, Social Welfare, Water Supply, Art & Culture etc. etc.) erawh mipui nena innghenga thawh ngai leh zual bik an nih avangin khawvel ram dang angin chhunzawm zel a ni ang a. Economic Services kan tih ang chi-ah phei hi chuan Private (mimal/Company) thawhtir hi kan uar chho tial tial ang tih hi a rinawm a ni. Sorkarin tih vek a tum hi chuan a thawktu Officer leh a thawktu hniam deuh thlengin thlemna a lo tam thin a, engmah tuar lova hlawkna neih theih a nih avangin bu pawh hi a inkhuar thuk duh khawp mai. Mahse, USA, Germany, Japan leh ram changkangah chuan Sorkar mawhphurhna chu hetiang hian an sawi thin – Governance, Defence, Currency & Law and Order – an ti hial tawh a ni.

Hetiang remruatnaah hian Sorkar, tharchhuaktu, thiam bik nei thawktu te hi hlim tlang hle mahse an siam chhuah thil kha to taka hralh a nih chuan a leitu mipui tan a tha leh lova. Chuvangin siam chhuaktu dang nena inelna (competition) hi hetiang remruatna tihriseltu an ni thin a. Mipui tuar tur zawnga engmah a kal loh nan India ram pawhin tunah chuan dan thar, The Competition Commission of India a nei tawh a, mipui thlavang hauhvin thil chu quality tha, tlawm bawk si ni thei turin he dan humhalhna hnuaiah hian NEDP pawh hi a thawk dawn a ni. Mizo mipuiin kan huat ber, hlemhletna (corruption) pawh he remruatna hnuaiah hian tih tum tan pawh tih theih a ni lova, corruption rep charna tha tak hmanrua a ni bawk a ni. Inelna hrisel a awm phawt chuan corruption hi a awm thei lova. Inelna a awm chuan thil siam chhuaktu te’n Quality goods at cheaper rates hi an thupui leh thuvawn lian ber a ni thin a ni. Thar chhuaktu te an thar chhuah hu aia an hralhna sang tawk lova hriat thin pawh hi kan thar chhuah tlem vang emaw kan thar chhuahna kawnga rem kan hriat loh vang emaw neih tur tul kan neih loh vang emaw a ni fo thin a. Tlem te thar chhuaha to taka hralh hi Economics tha tak kalphung a ni lo hrim hrim a. Tin, Sorkar a lo inrawlh ve a, Subsidy zawnga a chet chiam pawh hi Corruption khurpui siamna mai bawk a ni duh hle. Chuvangin tharchhuaktu te pawh Sorkarin a tumpui dan chuan thar chhuak tam a, an thar chhuah te hrisel leh fai taka a dahna hmuna thiar khawm a, an thar tam avanga hausakna chang turin a duhpui a. Englai pawhin State dang leh ram dang nen kan inel reng a, kan inel rengna azarah a thawk chhuaktu an tang a, thil tha, tlawm si kan lo lei theih hian a leitu (Consumer) kan lo hlawk ve chhawng zel a ni

6:5 Khawpui leh khawpui mamawh hrang hrang phuhrukna hnathawh (upgradation and development of urban infrastructure and services)hi khawpuia cheng te leh khawpuia zin thin te’n hian a pawimawhzia kan hre chiang khawp mai. Mizoramah pawh mipui zawng zawng chanve aia tam khawpuiah kan cheng tawh a. Khawpuia remchanna hrang hrang hi mimal leh chhungkaw dinchhuahna bul a nih miau avangin he kawng hi kan la zawh uar dawn chauh a ni. He hna pawimawh tak thawk tur hian Sorkar hian mimal leh Company, thiam bik nei te bawk a hmang nasa dawn a. Anni hian a hlawh ringawt ni lovin, a enkawlzui leh mawhphurhna neihzui hi nei ngei turin Sorkar pawhin remruatna a siam zel a ni.

6:6 Thingtlang atanga khawpuia pem lut hi a kum telin an tam tial tial a. Hetiang a nih lai hian khawpui mamawh phuhrukna erawh chuan kan mamawh hi a um pha lo nasa hle thung a ni. Khawpuia chenna in buatsaih chungchangah Sorkarin tih tur kan la ngah hle tih hi phat rual a ni lo. Khawvel ram hrang hrang tehnaah chuan India ram hi khawpui leh thingtlanga chenna in man tlawmna ber pakhatna ram kan ni a. Mahse, Sorkar hnathawk tam tak te, Police te, mipui hrim hrim te chenna in buatsaih kawngah tun atang hian Sorkarin hma thar a lak a ngai a, hei hi kan Sorkarin a ngai pawimawh tak zet a ni. Khawpui chenna hmunah tuiluanna tha te, bawlhhlawh paihna mumal tak te, mitthi inphum/inhalna hmun te, veivahna lirthei hrang hrang te, Power & Water supply tha te, intihhlimna leh infiamna lam hmun tha te, hun awl fianrial hman theihna tur tha te kan la nei tam tawk lo khawp mai a. Aizawl phei chu upain kan ‘inekbeng’an tih ang deuhvin rem lo tak tak karah, kham pangah te kan cheng ta nuai mai a nih rih hi. Chenna in buatsaihsak chungchangah leh khawpui nuam siam tura hmalak chungchangah Sorkarin tunah hian a rilru a seng nasa hle tawh a, Urban Development and Poverty Alleviationpawh hian a Department hming putchhan ang ngei hian theihtawpin hma a la chho mek zel a ni.

6:7 Vawiinah hian Mizoram Power mamawh zat chu nitin 80-100 Megawattsa ni a, eng tik ni mah hian kan mamawh phuhrukna thar chhuah ve hian 12 Megawattshi State Load Distribution Centre (SLDC) Report atang hian kan la hre ngai lo a ni. Chuvangin power siam belh kawngah te, kan power chawk luh putrukna hnawhpin te hi Sorkar hian a ngai pawimawh em em a ni. Power Sector-a siamthat hna, Reforms in power sector management – unbundling (separation of core business units of generation, transmission and distribution) hi dan mumal tak hnuaia kan tih hmanhmawh a ngai tawh a ni.

6:8 Sorkar tam takin Sorkar chak leh tha teh nan Sorkar Infrastructure siam belh hi ni berin an hre thin a. Hei hi dik bawk tho mahse kan Assetsneih sa thawm that leh enkawl nguna tuaihnuma hman tlaka siam hi kan mamawh dik tak zawk chu a ni. Hetiang hnathawh – Operation & Maintenance (O & M) hi ram tam tak chuan sum senna tangkai tak niin an la ngai reng a ni. Sorkar tam tak chuan thil lei emaw siam emaw lai tak emaw tuemaw appointment pek lai tak hi a quality leh cost aiin an ngai pawimawh a. Mamawh aia mamawh loh, a quality-in a phak lova man sang lei te leh chhungkhat laina appointment pek te hi thlemna sang tak a ni reng a. Hetiang kara a dik duh tlat mi Officer te hi hnawk an ti mah mah thei thin a ni. Chuvangin mipui leh Sorkar hlawkna tak tak tur chuan mimal emaw Company emaw kuta hlanchhawn a, mawhphurhna mumal tak nei tawn tura O & M agreement neih a ngai a ni.

6:9 O & Mhman tlak, chhawr hnaawm leh tlo siam tur chuan heng thil pathum te hi ngaih pawimawh a ngai a ni : –

1) hemi thawhna sum neih;

2) hetiang ti thei Sorkar remruatna leh mimal/Company rin tlak neih;

3) hemi remruatna mila Sorkar kalphung tih danglam.

6:10 Engtinnge he O & M hnathawk turin sum kan neih ang ? He zawhna chhanna hi kum tina Sorkar Budget atanga sum hmuh tih a ni. Mahse, Sorkar sum neih dan leh a tlin tawk ngaihtuahin hetiang remruatna hi sum harsatna avanga tih hleih theih loh a nih fo avangin amah leh amah inchawm thei zawnga ngaihtuahna hman hi a tul a ni. Entirnan, motor kawnga chhiah lak pangngai piah lama kha kawng hmangtu te hnen atanga Fee/Toll lak hi Sorkar Budget ringa tih aimahin ram changkangah chuan an hmang nasa tawh a ni.

6:11 O & Mthawhna tur hian mi thiam an ngai a. Kan Mizo thalai tam tak te hi O & M Specialists ni turin ‘train’ theih vek an ni. He remruatna hi kan hman chuan mipui mamawh intawm tam tak kan sawi tawh ho te kha an thain an tlo ang a, a hmangtu mipui an lawm ang a, a thawktu te’n eizawnna ngelnghet neiin kan thalai tam tak te hian hnathawh tur an nei bawk dawn a ni. Hei hi O & M chauh lovah pawh, Sorkar hmalakna tam takah hian tih theih vek a ni a. Vawiinah pawh Engineer leh Doctor thiam te chuan Sorkara thawh aiin mahni Company/Partnership siamin Sorkarin a thawh thin tam tak an thawk a, an thawk tha bawk a ni ang, kan Private Hospital-ah pawh Seat ruak a awm hlei thei ta lo.

6:12 Sorkar kalphung siam that : O & Mhlawhtling nei tur chuan Sorkar kalphung siam that hi hna hmasa ber a ni. Works Department tih bik (PWD, P & E, PHE, Transport, MI, UD & PA, Health, Printing & Stationery etc.) te hian an O & M thawh mek te ennawn lehin siam that tul lai apiang siam that hna han thawk tan char char se, an mamawh dik tak an hriat chian vek hnu-ah a taka luhchilhin siam that hna hi thawh theih a ni ang.

6:13 Mipui mamawh intawm tam tak hi chu kan lei/siam belh chu a ngai reng ang a. Mahse, O & Mkalphung siam that a niha sum kan sen avanga sum kan hlep tling khawm khan mamawh thar kan lei thei ve zel zawk dawn a ni.

6:14 Infrastructure Developmentneih belh leh enkawl hna O & Mremruatna hlawhtlinna chu kawng hnih a awm –

Asset kan neih sa hman tlaka siama hman tangkai;

O & Mpuitlinna kawng hrang hrang hmanga Asset kan neih enkawl.

Ram thanna tura Service Sector hman tangkai leh zual

7:1 Loneiha thar chhuaktu te chan aiin thar chhuah tawh sa ching zuia eizawn nana hmangtu te chan hi a tam zawk ta mah mah a. Hetah hian thar chhuah hna leh sawngbawl zuitu te chanpual hi a inbuktawk loh chuan an pahnih hnihin emaw a tuemaw zawk zawk emaw tan a hlawk lo thei hle a ni. A sawngbawl zuitu te chan chauh a that chuan Supplykha a phai thei a, thar chhuah man pawh a sang vur thei a, chutiang bawkin thar chhuah lam a tam ang hua lo sawngbawl zuituin an khawih zui zawh loh chuan kha finished goods man kha a to thei leh a, mipui leh thar chhuaktu te’n kan tuar thei leh bawk a, chuvangin a inbuktawk vel chiah turin Sorkarin rem a ruat thiam a ngai thin.

7:2 Mizoram Gross State Domestic Production (GSDP)-ah hian Services Sector te hmun luah hi a sang hle a. Hei hi mi tam tak chuan Sorkar hnathawk ringawt ni hian an hre tlat a. Service Sector-ah hian lirtheia eizawng te, Hotel, Private Damdawi In, Workshops, Legal Practitioners, sumdawng zawng zawng te hi an tel vek a ni. Ziak leh chhiar lamah Mizoram hi sang viau mah ila, kan lehkha thiam tam tak te hian an eizawnna tur milin zirna an nei lo tlat hi vawiina kan harsatna lian ber pakhat chu a ni ta reng a ni. Hemi siam dik tur hian Sorkar hian Policy a neih a ngai a, zirna thlenga herrem ngai a tam hle dawn a. Training facilities pawh buatsaih a ngai tam dawn a ni.

7:3 Khawvel ram dang leh India State dang te nena inel ngar ngar reng kan nih avang hian Sorkar hian Policy thar a duan chhuah a ngai a. Mizoram hi kan hriat angin Resource ngah lo tak kan ni a. Chutichungin Human Resource kan neih erawh hi chu Preamble lama kan sawi tawh ang khan a tha a, hman tlaka siam hi a pawimawh ber chu a ni. India ram State danga an mamawh hna thawk tur chuan National Skills Qualification Framework (NSQF)hi kan hman a ngai a. Hun kan nei tlem ta hle mai a. Hemi ti tur hian Sorkar pawhin Department kalhmang thlenga a siksawi a ngai hial dawnin a lang a ni.

7:4 Kan thil sawi mek, Services Sector tihpuitlinna tur chuan heng thil pahnih pawimawh tak tak te hi tih a ngai a –

Tuna kan hman mek, ritsak leh remchang lo tak tak hote hi kan zir chian a, siam that ngai apiang kan chhinchhiah a ngai;

Hemi atana Department te mamawh hi a inang lo hlawm hle a, chuvang chuan State Level Regulatorysiam hmasak a ngai;

Sorkar Sum Enkawl Kawnga Siam Thatna Hna

8:1 Sorkar sum enkawl hna hi kawng tinrengah a pawimawh a. Sum enkawl dan nghet leh mumal, ngaih pawimawh hmasak tur thliar thiam, sum hman chungchanga mawhphurtu bik siamna (accountability), sum hmanga mipui tana hnathawh sawt ber chi ngaihtuah thiam te hi a keng tel vek a ni. Sorkar mawhphurhnaah hian mirethei te dinhmun chawikan pawh hian hmun pawimawh tak a luah a ni. John F.Kennedy chuan, ‘If a free society cannot help the poor who are many, it cannot protect the rich who are few’a ti a. Zotawng chuan, “Sorkarin a tam pui zawk mirethei te a tanpui theih loh ngat chuan a tlem zawk mi hausa te hi a venghim zo lovang” tihna a ni. Hetiang te a nih avang hian Sorkar hian mi rethei leh hausa te tana Policy nghet tak nei a, chumi atana Public Financial Management nghet tak a bun a ngai a ni.

8:2 Public Financial Managementhian mipui tana na lutuk si lova Sorkar sum lakluh tam te, Sorkar kutke hrang hrang te hnena sum pek leh an hman dan ‘control’ a, enpui reng te, sum hman a dik leh dik loh endik (audit) reng te, kan sum hman a tangkai leh tangkai loh bihchian fo thin te a keng tel vek a. Sorkar thil tum hlawhtlinna tur chuan sum enkawl dan tha kan hman a ngai a ni. Sorkar leh Association/Organisation/Union reng rengah sum hman dan ber a fel loh chuan a thawkho te inrintawk lohna te chauhvin an thawhsaka te rin loh nihna te a piang vat a. Hei hi khawvel ram tin leh hmun tinah Sorkar leh Pawl tlukchhiatna langsar tak a ni chamchi a ni. Sorkar sum enkawl chungchanga tih makmawh tlem tarlang ila : –

1) Fiscal Discipline & Expenditure Reforms : Sum lut mila sum hman hi hna pawimawh hmasa ber a ni. Tla chawp leh ngaih pawimawh chawp ngah viau loh tur a ni. Hei hi Mizoramah pawh sum lama kan harsat chhan lian ber a ni fo. Budget reng reng hi ram mamawh mila duan tur a nih bakah mamawh belh hi sum lut tur hian a zo dawn em tih ngaihtuah a, a lut leh a chhuak inzat chiah bakah lirnghing, leimin, chhiatna thleng phut thei tam tak veng thei tura a lut tam hlek zawk nei tura ruahmanna hi Sorkar chuan siam fo zawk tur a ni.

2) Sum sem fimkhur leh uluk: Ram hmasawnna leh mamawh dang chhut vek hnuah Sorkar sum hi Department-ah sem (allocate) chauh thin tur a ni. Ngaih pawimawh pawh ram mamawh mila ngaihtuah a, mihring/Department ngaih pawimawh zawng neih aiin ram mamawh zawk hi ngaih pawimawh thin tur a ni.

3) Operational efficiency in Service Delivery : Mipui rawngbawlna hnaah hian sum hmang tlem chunga hna tha tak thawh theih hi Sorkar tum tur pawimawh tak a ni. Hetiang hi a nih avangin sum lut, sum neih zat, sum hman tur ngaihtuahna kawngah Department tam tak te hian Commercial Account nei bikin an hna thenkhat te hi chu an thawh a ngai tawhin hriat a ni a. Entirnan – PWD,P & E, MI, Food & Civil Supplies and Consumer Affairs, Printing and Stationeries, Transport te hian Commercial Accounting System an neih ngei ngei hi a tha tawh a ni.

8:3 A chunga ngaih pawimawh sawi tak te tihhlawhtlinna tur hian heng a hnuaia thil pawimawh tak tak te hi ti thei turin kan kalphung siam that (reform) a ngai a ni : –

Department te inkarah thawhhona tha nei a, mahni mamawh hmasa tur sawi fiah thiam tawk lo te pawh tanpui;

Kan budget siam hmang hrim hrimah hian hmasawnna hawi zawng hlira ngaihtuahna hi a hmasa bera dah ziah;

Department-in hna an thawhna tura sum pek an nih angin hna an thawk ta ngei em tih Budget thlirzuitu neih a ngai;

Thil lei dan leh a tihphung (system) tha zawk siam;

Sum lut leh chhuak te rang taka an hmun thlentir;

Kan budget hi khawi emaw lai hmaih thelh bik nei lova siam;

Audit rang, chak leh a taka umzui thei buatsaih te, MLA House Committee hrang hrang te’n sum hman chungchanga an ngaihmawh Sorkarin a ngaih pawimawh leh sum hman chungchanga Sorkar hnathawk leh a hmangtu apiang te mawhphurhna (accountability) siam;

Sorkar leibatna kawng hrang hrang endik leh ramin a mamawh dan anga leibat leh leiba rulhna lama felfai;

Sorkar sum hailuh kawnga belhchian dawl Policy & Programme neih;

Budget buatsaih kawnga mipui telh ve leh an hma thlir leh ngaih dan ngaih pawimawhsak;

8:4 Department-a mumal leh tangkai tura sum pek chungchangah State Sorkar chuan Central Sorkar atanga FFC Award te, CSS hrang hrang te, Externally Aided Projects te, NEC, NLCPR a dawn leh NABARD leh Financial Institutions dang atanga a puk te chu he NEDP – Comprehensive Growth Strategymilin a sem lehin a takin tihhlawhtlin a tum dawn a ni.

8:5 Hetiang taka ruahmanna mumal neiin Budget hi kum tin buatsaih a ni ang a. Kan State Budget hi Mizoram Sorkar Policy leh chumi tihlawhtling tura a hmanrua (instrument) a ni. Sorkarin a ngaih pawimawh, mipui tana hmasawnna keng Budget a nih avangin sum lut leh chhuak ziak tlarna satliah bu a ni lova. Sorkarin a sum hmuh tur beisei zat leh a hmanna tur te pawh chu a rin tlakin a tak chang thei a ni tur a ni. Hetah tak hian para 56-naa sawi tawh ang khan Department thenkhat te chuan Budget (Demand For Grants) bu-ah hian Commercial Accounting System an hman tawh dawn avangin an senso tur zat leh lut tura an beisei zat lantir a ngai tawh ang. Mirethei te’n Sorkar zar an zona Subsidy component hi neih chhunzawm reng a ngai dawn a, chutichung pawhin sum lut tura beisei zat hi chu a tarlan theih tho a ni.

8:6 He NEDPhian kum 5 chhunga Sorkar hmalakna tur a tarlang fel thawkhat hle a, NEDPanga kum 5 hi kan kal chuan a tul anga sum hman tur leh Target/Focus tidanglam hret hretin Mizoram Sorkar chu kalphung mumal tak neiin Budget hmang hian a kal dawn a ni.

8:7 Sum enkawlna mumal neih a nih chuan mipui tan enge Sorkarin a tih tur leh mipui pawhin Sorkar laka an beisei tur a chiang kuk thin a. Budget hian ze nghet a nih chuan a tla chawpa ngaih pawimawh te, duha peka duha pek loh theihna (discretionary power) neih te hi a remchang lova. Discretionary power hrim hrim hi Budget rin tlak lova siamna a nih bakah kan duh lo tak Corruption hnar a ni thei fo a ni.

Hmasawn nan mi thiamna neihtir (Skill Development)

9:1 Mizoram mipuia zaa 30 hi naupang, kum tling lo atanga kum 14 chin an ni a, zaa 64 zet hi thalai leh hnathawk thei rual (kum 15 atanga kum 59) an ni. He zaa 64 te hnathawh leh hmathlir ang hi Mizoram hmasawn dan tur hriltu chu a ni dawn a ni. Khawvel ram changkang tam tak hian tar, upa lam, hnathawk tura beisei theih loh an ngah vek hlawm a. Hnathawk thei kum la tam lo hi Mizoram hian kan nei tam hle a, chuvangin kan ram mipui thliar felna (Demographic Dividend) atanga chhut chuan ram vannei tak kan ni. Hetiang hnathawk thei rual kan nei chung hian kan hnathawh kalphungah kan thawhchhuah tam turin hna thawk thei te tan thiamna bik an nei lova. Thawk lo leh thawh tur hre lovin mi sing tel an awm phah ta a ni. Hei tak hi Mizoram Sorkar tan chona (Challenge) a tling a, hei vang hian NEDP hi buatsaih a ni a, hman tangkai a tul a ni.

Khawvel sik leh sa danglam chak leh hemi tihnep tumna kawng

10:1 He sik leh sa danglam chak tak, khawvel pum puiin a buaipui mek hi Mizoram pawhin tih tak zeta kan hmachhawn a, a tul anga Sorkar Policy leh Programme nen kan do let a ngai a ni. Kan hmasawnna hmathlir zawng zawng te hi khaw lum leh vawt, ruah tui tla leh thing, mau leh nungcha kan humhalh leh venhim dan azira hlawhtling leh hlawhchham thei vek an ni. Chuvangin he NEDPpawh hi chutiang hria a, harsatna awm thei hmachhawn tur zawnga buatsaih vek a ni a. He khawvel dam khaw chhuah tur leh tur loh hial hi vawiina he harsatna rawn inlar tan kan lo do let dan hian a hril dawn a ni.

Hmanhmawh taka Administrative Reforms neih

11:1 Sorkarin felfai, chak leh belhchian tlak taka hna a thawh chuan he NEDP hlawhtlinna hi a sang hle dawn a. Awmze neia Sorkarin hmasawnna hna a thawh tam poh leh Sorkar rorel leh hnathawh hi a fel leh fel loh a lang chiang zel dawn a ni.

11:2 Saptawnga Governancetih hi eng kawng hrang hrang pawhin a hrilhfiahna awm mahse, rorelna tha chuan mipui rawngbawlna atana rorelna felfai leh mipuiin Sorkara an beisei tihhlawhtlin leh tihhlawhtlin loh hi a tehna chu a ni zel tho a ni.

11:3 Mizoram Sorkara Governance a that leh chhiat tehnaa chhuan tur pawimawh tak kan neih te chu Sorkar ngelnghet tak kan nei te, mipui zalen leh tumah hlauh tur nei lo chanchin thehdarhtu kan nei te hi a ni ngei phawt ang. Mirethei te puala NLUPkan hmang thei te, hriselna lam leh zirna lama rual kan khum te pawh hi chhuanawm tak vek an ni bawk.

11:4 Hetih lai hian a famkim lohna tam tak erawh chu a awm ve tam tho mai. Hmasawnna ruhrel siam chungchangah hian Sorkar hi a muangchangin a thawk hnem tawk lova, rethei zual te dinhmun chawikan chungchangah pawh NLUPthawh hi a la tawk zo lo a ni. Industry lamah pawh kan thang chak lo hle a. Sorkar sum lut leh chhuak herrem dik chungchangah pawh sum lut aiin hman chhuah a la tam zawk reng avang hian a la inbuk tawk hlei thei lo a ni. Tul lova sum hman tihtawp leh kan thil neih leh kan thil tih theih (resources) hi a vawr tawpin kan la hmang lo nasa hle bawk a ni. Sorkarin mipui rawng a bawlna kawnga File che muang lutuk te, pumpelh theih harsatna mipuiin an tawh te, vawi khat kala fel thei vawi duai lo kal ngaia la siam te thleng hian chinfel ngai kan la nei a ni.

11:5 Sorkar thil tih tinreng hian ram mipui leh pawn lam atanga Mizorama kan thalai te hnathawh tur rawn buatsaih tum leh chumi hman tangkai tum te a tibeidawng emaw beiseina a pe thei a. Chutiang hnathawh leh sum peipunna thianghlim, boruak (environment) tha Mizoramin kan neih chuan kan ram leh mipui chu a rin ngam a ni. Prime Minister zahawm tak, Pu Narendra Modichu khawvel ram tam tak tlawhin a zin kual a, India rama Industry thil te rawn siam a, kan thalai te eizawnna ngelnghet siamsak turin a sawm reng a ni. Keini pawhin hetiang hi kan ram tan kan mamawh ber pakhat chu a ni a. Mahse, kan Taxi khalhtu leh kan Hotel te ngawt pawh hian an lo hnarkir theiin Sorkar min dawrnaa kan lo dawnsawn dan leh kan hnathawh chak, fel leh dik hian anmahni a hnar emaw a lo lawm emaw thei a ni.

11:6 Administrative Reforms Committee tuan rang kan neihin hun rei lo te chhunga a tih tur pawimawh thenkhat chu heng hi an ni : –

Mipui te mamawh leh hlawkpui tur Policy neih thuai;

Sorkar hmalakna tinrengah mipui hmasawnna te, mipui tam ber tana tha thawh te, kalphung/tih dan phung thar zawn thiam te, hnathawktute tana nun tawk tawkna lam aia hausakna kawng (market orientation) zawnpui thiam te, corruption tibo tur zawnga inelna thianghlim hmanruaa hman te;

Sorkar kalphung herrem a, Sorkar chak leh felfai zawk neih te, Sorkar biak eih nuam leh min chhang thin neih te, Sorkar thil tih langtlang vek neih te ngaih pawimawh;

Sorkar dawrna kawng hrang hranga tih tur leh tih loh tur harsatna mipui siam teuh awm thei te tikiam a, mimal emaw Sorkar emaw te’n dan behchhan awm lova thuneihna (discretion) an neih tihtlem te, chung hmanga – Sorkar leh Court rorelna dik nei tura kawng hrang hranga hmalak te, kawng tinrenga dan ang thlapa thil tih (rule of law) te hi thawh tur pawimawh hmasa zing ami te an ni; (Rule of law hi entirna hmangin sawifiah lawk ila a tha ang e – Nero-a hun lai chuan hriamhrei hmanga insual (gladiator) te chu a chak zawkin that mai theia a nawr beh tawh chuan that mai lovin Lal, Nero-a a han ngaichang a. Nero-a chuan Rule of law ni lovin ama ngaihtuahna chauh hmangin kha inbeihnaa a chak lo zawk kha a ngei deuh hmel pu a nih vang mai emaw a chak zawk kha ngei riauna a neih ang mai mai khan Rule of thumb hmangin a chak lo zawk kha a damtir emaw a thihtir emaw ta thin a. A kutzungpui lei vit zawnga a her chuan ‘that rawh’ tihna a ni a, van hawi zawnga a tihpir chuan ‘nuntir rawh’ tihna a ni a. Rule of law neiin ‘Round 5-na hma chuan thah loh tur’ tih emaw ‘Nupui fanau nei chu chak lo zawk mahse thah kher loh tur’ tih emaw engmah awm lohna hi Modern democracy-a Rule of Law concept nen chuan a inpersan hle a ni)

Hnathawh hmang a tha zawnga tih awlsam (simplification) te, mipui harsatna siamsak zawnga dan lekkawhnaa hnawksak leh tangkai lo (unnecessary regulation & Permits) tihbo te;

Sorkar Policy duan chungchanga remchanna siam belh thiam te, Policy siam leh a hlawhtlinna kawnga thawhna inkawpna hrisel lo tihbo te; (Hei hi Sorkarin a kawptir avanga duh duh, tla chawp tiama thil tih kha Policy anga neih zel hlauh vanga telh a ni.)

Information & Communication Technology (ICT)tangkaina tam thei ang bera hman avanga hmasawnna chak zawk neih theihna kawng dapna te;

Sorkar hnathawk hi thawk hlawk tawk tur tawka tihtlemte hi ‘Service outsourcing to NGO’s and other instruments like Companies/Private entities’ leh Sorkar thil tih tur hlawkpuitu (Stakeholders – mipui/kuthnathawk) te hmanga ngaihtuah ni se. Eng hmanrua pawh Sorkarin hmang dawn se, inelna hrisel leh an tih that leh tih chhiat hi tehnaa hman fo ni bawk se. Sorkar hnathawk tihtlem hi mipui tihchakna kawng a ni fo thei a, kawng tam takah thawhna hmuna mipui te hian hna an thawk tha theiin an vil hneh viau zel bawk si a. Mitmei ven tur an bulhnaia an awm vang pawh hian hetiang remruatna hi a tlovin a tha zawk thei a ni.

Sum renchema sum hmanga hnathawh tur chhe chuang miah si lova Sorkar sum hman senso tihtlem;

THU KHAIKHAWMNA (CONCLUSION)

12:1 He NEDP hnathawhna turah hian Sorkar hian tun hma zawng aiin mipui nena inring tawna hnathawh a tum a. Mipui pawh Sorkar ring ngam turin a duh a. Chu chauh ni lovin, mipuiin anmahni hi a neitu an nih an hriat hi hlawhtlinna innghahna chu a ni ber zawkin kan ngai a. Chuvangin kan Sorkar chuan, ‘Rin ngam kan ni e’ tiin mipui kan hriattir a ni. Hun liam tawhah Sorkar hrang hrangin tihsual kan lo nei palh thei vek tawh a. Duh reng vanga tih ai mahin kan hriatna leh thiamnain a tlin loh vangah te min ngaihsak thei se. Politics-ah hian chhe tak tak hian kan han inpuh tawn thin tak naa, tu Sorkar pawh hian mipui tana tha ber thawhsak a, mipuiin min duh leh kan Sorkar an zawngchhang azara min thlan nawn leh hi kan duh vek a ni. Chuvangin NEDP pawh hi a famkim lohna emaw a dik tawk lo lai emaw chu zalen takin mipuiin eng hunah pawh min finchhuah turin kan ngen tak zet a ni.

12:2 Tun hmaa kan tih dan thlakin tih dan thar nen NEDPhi mipui nena thawkhova hlawhtlin theih beiseiin hei Sorkar chuan a rawn chhawp chhuak ta rup mai a. Sorkar sum hi a tam lo khawp mai a. Mahse, a tam lam aiin kan hman ang chin chin hian a tak ram min thlen chuan NEDPhmang hian Mizoram hi kan siam that ngei kan beisei tlat a ni.

12:2 Heng thil pahnih hi a pawimawh ber lawr lak te an ni :

(i) He Sorkarin Political Will hi NEDP tihlawhtling turin a neih leh (ii) He NEDP thawh chhohna kawngah hian Sorkar chhung ngeiah leh mipui, Political Party atanga lo awm thei te kan do hneh hi a ngai a ni. Kan lo tih than tawh han tih danglam a nih hian dodalna a awm duh khawp mai a, hei hi huai taka pal tlang ngam a ngai dawn a ni.

12:3 NEDP thawhna tur atan hian Committee chhawng thum Sorkar chuan July ni 1, 2016 khan hetiang hian a din ta phawt mai a ni –

(1) NEDP Core Committee

a) Chairman – Chief Minister

b) Alternate Chairman – Minister, Agri./RD etc.

c) Member – Minister, Planning/Finance etc.

d) Member – Minister, Commerce & Industries etc.

e) Member – Minister, UD & PA etc.

f) Member – Minister, Horticulture etc.

g) Member – Vice Chairman, Mizoram State Planning Board

h) Member – Chief Secretary, Govt. of Mizoram

i) Member Secretary – Secretary, Planning & Programme Implementation Department

(2) NEDP Executive Committee

a) Chairman – Chief Secretary, Govt. of Mizoram

b) Member Secretary – Secretary, Planning & Programme Implementation Department

c) Member – All Principal Secretaries/Commissioners/Secretaries concerned.

d) Member – All Heads of Departments concerned.

(3) NEDP Monitoring & Evaluation Committee

a) Chairman – Vice-Chairman, Mizoram State Planning Board

b) Member Secretary – Secretary, Mizoram State Planning Board

d) Member – All Expert/Official Members of Mizoram State Planning Board.

Comments are closed.

error: Vote for Congress!