Mizoram Pradesh Congress Committee (MPCC)

Achievements

Thuhmahruai

1984 ah Mizorama Congress Party Pu Lal Thanhawla kaihhruaiin sorkarna a chelh aṭangin hmasawnna tam tak Mizoramah a thleng tawh a. Hemi hma kum 1966 aṭang khan Mizoram chu rambuai, disturb area a nihvangin hmasawnna a kal chak thei lova. Mizoram mipuiin an mamawh leh thlakhleh ber chu ‘REMNA LEH MUANNA’ a ni a.

1984 MLA inthlanah Zoram mipui mamawh ber chu, Chief Minister a nih chuan a tih hlawhtlin tur thu leh, Remna leh Muanna a awm theih nan Lal țhutthleng chu a kian dawn a ni tih a aupui a. Zoram mipuiin chu chu ring tawkin hneh takin sorkarna a siam a. A intiam ang ngeiin Pu Lal Thanhawla chuan Remna a awm theih nan, Chief Minister a nihna chu, India Electoral Roll ah pawh hming chuanglo hnenah a hlan ta a. Zoramin Remna leh Muanna a nei ta a ni.

1989 MLA inthlan ah Congress party in sorkarna an chang leh a nih chuan zoram mirethei ten an mamawh, Rangva inchung leh eizawnna tur, NLUP a pek tur thu Pu Lal Thanhawla chuan a aupui leh a. Mipuiin sorkarna an pe leh ta a. A thutiam a ding țhin, Pu Lal Thanhawla chuan mirethei chhungkaw sang tam tak te chu inchung rangva a khuhsakin, NLUP a pe bawk a.

1993 MLA inthlanah chakna chang lehin, Pu Lal Thanhawla chu Chief Minister a ni leh a. Hmasawnna nasa tak zoramin a hmu a. Mini Hydel Project tam tak Tuipang, Kau Tlabung, Maicham etc te, Hydel Project Tuirial HEP 60 MW, Tuivai HEP 260MW, leh a dangte bulțan tura hmalak a ni a. Lengpui Airport, Aizawl to Lunglei Via Sialsuk/Thenzawl World Bank road, State chhung kawngpui tam tak, hmalak a bul țan hman a ni bawk a. Pu Hawla hming sawi tel lova zoram hmasawnna ruhrel lian sawi tur hi a vang viau a ni.

2008 MLA inthlan ah Congress party chuan hneh taka sawrkarna changin MLA 40 awmnaah 32 zet a nei a. Pu Lal Thanhawla chu a vawi 4 nan Chief Minister a tan lakluh leh a ni a. Kum 2013 MLA election ah h ehna chang chhunzawm lehin 34 MLA neiin a vawi 5 nan CM tan Pu Lal Thanhawla chu lakluh a ni leh ta a. Mizo zingah MLA vawi 9 tling thei, Chief Minister vawi 5 ni thei hi an piang leh a ngem? hriat a ni tawh lo hial a, zofate zinga Politician ropui ber a ni.

Hmasawnna tam tak sawitur awm karah, tunhnai bika Zoram hmasawnna kan han tarlang dawn a ni.

Comments are closed.

error: Vote for Congress!